Названыя імёны загінулых падчас выбуху на Светлагорскім ЦКК

Кіраўніцтва завода падало драбніцы надзвычайнага здарэння.

Светлагорскі ЦКК назваў імёны загінулых падчас выбуху газапаветранай сумесі на заводзе беленай цэлюлозы 7 чэрвеня. Пра гэта паведамляе прэсавая служба Светлагорскага раённага выканкама.

Названыя імёны трох загінулых, якія працавалі выпарнікамі лугу: Віктар Раманькоў, Міхаіл Шаціца, Алег Кацуба.

Таксама паведамляецца, што генеральны дырэктар ААТ "Светлагорскі ЦКК" Юрый Крук сустрэўся з сем'ямі загінулых.

Нагадаем, удзень 7 чэрвеня на Светлагорскім цэлюлозна-кардонным камбінаце адбыўся выбух газапаветранай сумесі. У МНС паведамілі аб трох загінулых, але ў Следчым камітэце заявілі, што "гаварыць аб дакладнай колькасці загінулых і пацярпелых на Светлагорскім ЦКК заўчасна".