Пуцін скасаваў жывую лінію з расейцамі праз контрнаступ Украіны

Прасоўванне УСУ ўбіраецца ў сілу.

У Крамлі перанеслі жывую лінію прэзідэнта РФ Уладзіміра Пуціна з расейцамі праз контрнаступ Украіны, які пачаўся і ўбіраецца ў сілу, паведамляе The Moscow Times.

Першапачаткова акцыю меліся правесці гэтым летам, але «пару тыдняў таму» стала ясна, што ў гэты час яе чакаць не варта, расказала «Коммерсанту» крыніца, блізкая да адміністрацыі прэзідэнта.

"Цяпер папярэдне плануецца правесці яе (жывую лінію. – ТМТ)" у лістападзе-снежні», – кажа суразмоўца. Паводле ягоных слоў, выбар такога часу наўпрост звязаны з сітуацыяй на фронце. Лепш дачакацца пэўнасці са становішчам на полі бою, дадаў ён.

Пры гэтым ён зазначыў, што ў Крамлі хочуць арганізаваць жывую лінію да таго, як пачнецца афіцыйная кампанія Пуціна пераабрання на пасаду прэзідэнта. Прэзідэнцкія выбары маюць быць афіцыйна прызначаны ў снежні гэтага года, а адбудуцца яны 17 сакавіка 2024 года. Чакаецца, што Рада Федэрацыі прызначыць іх у перыяд з 8 да 17 снежня.

Крэмль ужо рыхтуе перапрызначэнне Пуціна на чарговы шасцігадовы тэрмін. Са слоў крыніц, ключавой агітацыйнай лініяй у кампаніі Пуціна будзе прынцып «было-стала-будзе». Для гэтага на ВДНГ з 4 лістапада 2023 да 24 красавіка 2024 года пройдзе міжнародная выстава-форум "Расея".

Як вынікае з указа прэзідэнта РФ аб выставе, яна праводзіцца «ў мэтах дэманстрацыі найважнейшых дасягненняў РФ у розных галінах эканомікі, у тым ліку прамысловасці, энэргетыцы, аграпрамысловым комплексе, транспарце, будаўніцтве, навуцы і культуры, станоўчага досведу развіцця суб'ектаў РФ, спрыяння далейшаму міжнароднаму супрацоўніцтву РФ».

Дагэтуль Пуцін не абвяшчаў публічна аб пастанове пераабрацца. Мінулым разам ён зрабіў гэта на сустрэчы з ветэранамі і працаўнікамі аўтазавода ГАЗ 6 снежня 2017 года, а 15 снежня выбары былі афіцыйна прызначаныя. Як адзначае крыніца, сёлета Пуцін таксама абвесціць аб сваёй пастанове пераабрацца пасля лістапада.

Апошні раз Пуцін размаўляў з расейцамі на жывой лініі ў 2021 годзе. Пасля пачатку буйнамаштабнага ўварвання Расеі ва Украіну Пуцін не праводзіў яе, а таксама адмовіўся ад вялікай прэсавай канферэнцыі і перанёс пасланне Федэральнаму сходу на канец года.

«Дакладных тэрмінаў правядзення жывой лініі няма. Мы іх не анансавалі. Як толькі надыдзе яснасць - паведамім», - заявіў прэсавы сакратар прэзідэнта РФ Дзмітрый Пяскоў. Кіраўнік Фонду развіцця грамадзянскай супольнасці Канстанцін Косцін нагадаў, што прэзідэнт асабіста прымае пастановы, калі і як праводзіць публічныя акцыі.