У Магілёве Audi уцякаў ад пагоні ДАІ і збіў аўто на скрыжаванні

Пагоня і ўдар патрапілі на відэа.

Чытач расказаў "Онлайнеру", што ДТЗ адбылося ў суботу ўвечары. Сутыкненне было такім сур'ёзным, што пацярпеламу кіроўцу давялося выклікаць хуткую дапамогу, а парушальнік адразу быў затрыманы супрацоўнікамі ДАІ.

УУС Магілёўскага аблвыканкама паведамляе, што ўчора а 18:00 на вуліцы Менская шаша кіроўца Audi праігнараваў патрабаванні супрацоўніка ДАІ і паспрабаваў уцячы.

У выніку на скрыжаванні вуліц Якубоўскага і Бялыніцкага-Бірулі 34-гадовы магілёвец не даў рады кіраванню і сутыкнуўся з аўтамабілем Skoda. За стырном аўто знаходзілася мясцовая жыхарка. Сведкам аварыі стаў чытач.

- У люстэрка я заўважыў, як па суседняй паласе нясецца Audi. Кіроўца пачаў гамаваць, але ў яго не атрымалася, і ён рэзнуўся ў аўто. Адразу ж да Аudi пад'ехала машына ДАІ, і кіроўцу затрымалі, надзеўшы на яго кайданкі. У аўто, у які заехаў Audi, мяркуючы з сілуэту, быў толькі адзін кіроўца. Самастойна ён не выбраўся, і папрасілі выклікаць хуткую дапамогу, - распавёў мужчына.

У паведамленні ДАІ сказана, што ў выдыханым паветры ў кіроўцы знойдзена 1,6 праміле, і гэта не першая яго язда за стырном у нецвярозым стане. У ліпені ён ужо прыцягваўся да адказнасці за кіраванне транспартам у стане алкагольнага ап'янення. Цяпер, акрамя пяці адміністрацыйных пратаколаў, яму пагражае крымінальная адказнасць за паўторную нецвярозую паездку.