Удар па Севастопалі: Як УСУ падманваюць расейскую СПА

У расейцаў праблемы з перахопам Storm Shadow.

Падчас нападаў крылатымі ракетамі Storm Shadow і Scalp украінскія вайскоўцы адначасова запускаюць таксама ракеты-падманкі, якія адрываюць расейскую СПА. Часта менавіта такія падманкі трапляюць у расейскія зводкі ў якасці «збітых» Storm Shadow. Пра гэта заявіў ізраільскі ваенны эксперт Давід Шарп у каментары праекту «Можем объяснить».

Ён адзначыў, што Storm Shadow і іх французскі аналаг Scalp з'яўляюцца вельмі складанымі цэлямі для СПА.

– У Storm Shadow нізкая радыёлакацыйная прыкметнасць, яна ляціць да цэлі на вельмі нізкай вышыні – 30 метраў. Гэта абцяжарвае яе выяўленне і паразу, – тлумачыць эксперт.

Акрамя таго, падчас такіх нападаў украінскае войска запускае ракеты-пасткі, на якія і адрываюцца дрэнна навучаныя расейскія зенітчыкі.

– Мінабароны РФ нават не заўсёды хлусіць у сваіх справаздачах – яны часта прымаюць збітыя падманныя мішэні за сапраўдныя ракеты. У атаках заўсёды ўдзельнічаюць некалькі такіх мішэняў, – падкрэсліў Давід Шарп.

Ваенны аналітык канстатуе, што расейская прапаганда відавочна перастаралася, расхвальваючы сваю СПА. На практыцы заявы пра «звышдзяржаву ў галіне СПА» не апраўдваюцца: «аналагаўнетныя» зенітна-ракетныя комплексы не з'яўляюцца вяршыняй тэхналогій, а ў іх экіпажаў назіраюцца праблемы з методыкай адбіцця паветраных пагрозаў.

«Можаце сабе ўявіць супрацьстаянне з краінамі NATO? Калі б ляцелі не некалькі такіх ракетаў, а адразу дзясяткі ці сотні? Разам з іншымі інавацыйнымі сродкамі, якія ёсць у ЗША... Лепш нават не думаць пра гэта», – рэзюмуе эксперт.