Украіна з пачатку поўнамаштабнай вайны атрымала ад партнёраў амаль $100 млрд дапамогі

У гэтую суму ўваходзяць узбраенне і вайсковая тэхніка.

З пачатку поўнамаштабнага ўварвання краіны-агрэсара РФ Украіна атрымала ад партнёраў амаль $100 млрд дапамогі. Пра гэта ў інтэрв'ю «Укрінфарм», апублікаваным 3 верасня, паведаміў міністр абароны Украіны Аляксей Рэзнікаў.

Як указаў міністр, у гэтую суму ўваходзяць «узбраенне і вайсковая тэхніка».

«Мы атрымалі ў грошах зброі і тэхнікі рознай, патронаў, снарадаў і стрэлаў, я думаю, пад $100 млрд. Толькі ад ЗША – больш за $50 млрд, ужо пад 60 падыходзіць. Калі гэта памножыць на курс грыўны, вы ўбачыце, колькі гэта трыльёнаў грыўняў», – падкрэсліў Рэзнікаў.

З ягоных слоў, пераважная большасць бюджэту Мінабароны Украіны (прадугледжанае дзяржбюджэтам) траціцца «на грашовае забеспячэнне вайскоўцаў і кампенсацыі».