Іран упершыню нанёс ракетны ўдар па Пакістане

Раней Іран атакаваў амерыканскія аб'екты ў Іраку, а таксама нанёс удар па тэрыторыі Сірыі.

Корпус вартавых ісламскай рэвалюцыі Ірана (КВІР) нанёс ракетны ўдар, як сцвярджаецца, па штабах тэрарыстычнай групоўкі "Джэйш аль-Адль" у Пакістане, паведаміла іранскае агенцтва Tasnim

У паведамленні агенцтва адзначаецца, што ўдар быў нанесены па раёне Да Сабз у пакістанскай правінцыі Белуджыстан. Штабы групоўкі, паводле звестак іранскага боку, былі знішчаныя ракетамі і беспілотнікамі.

Іран упершыню нанёс удар па тэрыторыі Пакістана.

"Джэйш аль-Адль" (або "Джэйш аль-Залм") – суніцкая баявая групоўка, якая дзейнічае ў асноўным за межамі Пакістана, на паўднёвым усходзе Ірана. Паводле звестак іранскіх СМІ, цягам 2023 года баевікі "Джэйш аль-Адль" двойчы нападалі на тэрыторыю Ірана. У ліпені яны атакавалі паліцэйскі пастарунак у Захедане, у снежні напалі на паліцэйскі пастарунак у іранскай правінцыі Белуджыстан.

Нагадаем, у ноч на 16 студзеня Іран атакаваў амерыканскія аб'екты ў Іраку, а таксама нанёс удар па тэрыторыі Сірыі.