«Для Пуціна гэта дадатковы інструмент ціску на Лукашэнку»

Чым пагражае для рэжыму апавяшчэнне аб дэфолце?

Група расейскіх інвестараў 18 студзеня накіравала ў адрас кіраўніка Мінфіна Беларусі Юрыя Селіверстава апавяшчэнне аб дэфолце ў пяці выпусках еўрааблігацый. Усяго сукупная сума гэтых выпускаў складае амаль $3,25 млрд. Калі рэжым Лукашэнкі не выплаціць свае абавязанні, як гэтага патрабуе апавяшчэнне, інвестары атрымаюць права падаць пазоў у Лонданскі міжнародны трацейскі суд або арбітражны суд у РФ.

Чаму расейскія інвестары наважылі пагражаць трацейскім судом у Лондане, а не адразу праз Крэмль паспрабавалі развязаць гэтае пытанне? Пра гэта сайт Charter97.org пагаварыў з палітолагам Анатолем Котавым:

- Па-першае, як мінімум трэба выкарыстоўваць усе юрыдычныя інструменты ў спробе развязаць гэтую спрэчку. У Крамлі таксама любяць здзекавацца з такіх просьбітаў: «Вы ў суд схадзілі, наш Басманны ці які-небудзь іншы? Калі не, то чаго вы адразу да нас ідзяце? Спачатку туды схадзіце».

Інвестары выдатна разумеюць сістэму, у якой яны жывуць і працуюць, таму загадзя вырашылі абсалютна лагічна падстрахавацца: «Мы ўсё спрабавалі, былі нават спробы судзіцца ў арбітражных судах суб'ектаў Расейскай Федэрацыі з рознай ступенню паспяховасці, усё паспрабавалі, нічога не працуе. Уладзімір Уладзіміравіч, ратуйце, дапамажыце, толькі вы зможаце выбіць грошы з Лукашэнкі, нейкім чынам кампенсаваць нашыя страты».

У многім гэтая схема з еўрапейскімі аблігацыямі зʼяўлялася механізмам дадатковага фінансавання схуднелага беларускага бюджэту ў абыход бюджэту Расеі. Прыватныя грошы закрывалі дзіркі ў беларускім бюджэце, таму што ўсе ліміты па запазычаннях наўпрост у Расейскай Федэрацыі, дзяржкрэдытах, або ў рамках ЕАЭС, Беларусь вычарпала. Ніякіх шанцаў на атрыманне дадатковых сродкаў па іншых механізмах не было.

Фактычна аблігацыі – гэта такі квазідзяржаўны механізм, натуральна, калі не працуюць нейкія юрыдычныя механізмы, калі Беларусь не плаціць па даўгах, то застаецца прасіць Пуціна, каб той паўплываў на Лукашэнку. А для Пуціна гэта дадатковы інструмент ціску на Лукашэнку, каб забяспечыць яшчэ большую лаяльнасць. Адначасовае выцягванне 3,2 мільярда даляраў з беларускага бюджэту можа сфармаваць вялікі дэфіцыт дзяржбюджэту з абсалютна непрадказальнымі наступствамі для эканомікі. Гэты інструмент Пуціну вельмі спатрэбіцца падчас сустрэчы з Лукашэнкам, якая адбудзецца ў найбліжэйшыя некалькі тыдняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com