«Белавія» абвясціла зніжкі на квіткі па трох кірунках

Квіткі прадаюцца ад 39 еўраў.

«Белавія» абвясціла зніжкі на квіткі ў Кутаісі, Санкт-Пецярбург, Екацерынбург. Падрабязную інфармацыю паведамілі ў прэс-службе беларускага авіяперавозніка.

У паведамленні гаворыцца, што турыстам прапанавалі тарыф «Прома» адразу па трох прамых кірунках. Так, з Менска ў Санкт-Пецярбург прапануецца злятаць ад 39 еўраў. Квіткі з Менска ў Кутаісі каштуюць ад 89 еўраў. Што тычыцца кошту авіяквіткоў з Менска ў Екацерынбург, то ён пачынаецца ад 79 еўраў.

У прэс-службе адзначылі, што зніжкі таксама будуць распаўсюджвацца і на транзітныя рэйсы. Называюцца Санкт-Пецярбург – Менск – Ерэван / Баку / Батумі / Тбілісі / Кутаісі / Стамбул / Дэлі / Астана / Ташкент / Дубай / Шарджа. Акрамя таго, таксама ўказваецца Екацерынбург – Менск – Ерэван / Баку / Батумі / Тбілісі / Кутаісі.

«Кутаісі – Менск – Калінінград / Казань / Санкт-Пецярбург / Масква / Екацерынбург», – сказана ў паведамленні.

Удакладняецца, што квіткі праз тарыф «Прома» можна набыць і туды, і назад. Акрамя таго, гаворыцца, што для прамых рэйсаў зніжка будзе дзейнічаць у перыяд з 29 студзеня да 25 красавіка 2024 года. Што да транзітных, то для іх перыяд зніжкі складзе з 29 студзеня да 31 сакавіка.