У Гомелі 13-гадовы школьнік трапіў у бальніцу пасля курэння вейпа

«Ледзь адкачалі».

Выпадак адбыўся ў разгар летніх канікул, піша раённае выданне «Новае Палессе». Падрабязнасці расказала старшы памочнік пракурора Жыткавіцкага раёна Тацяна Пазняк.

— У ліпені ў Гомелі 13-гадовага хлопчыка прывезлі ў рэанімацыю з цяжкім атручваннем: паспрабаваў «дарослы» вейп, набыты ў старшакласнікаў. Ледзь адкачалі, — падзялілася спецыялістка, успамінаючы найбольш рэзанансныя падлеткавыя гісторыі гэтага лета.

Яшчэ адзін небяспечны інцыдэнт адбыўся ў Жлобінскім раёне, дзе двое падлеткаў апынуліся ў бальніцы з атручваннем невядомай вадкасцю, знойдзенай на закінутай будоўлі.

— Адпілі «для смеху» — і абодва ў бальніцы. Гэта не проста дурнота, тут відавочны сігнал: дзіця не адчувае дома апоры. Яму няма з кім параіцца, няма ў каго спытаць. Ён шукае «даросласці» на вуліцы, у інтэрнэце, у дрэннай кампаніі.

Варта адзначыць, што гэта далёка не першы выпадак, калі ў беларускіх школьнікаў узнікаюць сур'ёзныя праблемы са здароўем праз захапленне вейпамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com