BILD: Расейскія салдаты масава гінуць праз «ап'яненне» ў камандзіраў

За апошнія дні адбылося некалькі паказальных выпадкаў.

За апошнія дні на ўсходзе Украіны адбылося некалькі выпадкаў масавай гібелі расейскіх жаўнераў праз памылкі камандавання, паведамляе BILD.

У аўторак калону з шасці БТР прыкладна з 50 салдат паслалі ў лабавую атаку на пасёлак Ластаўчына пад Аўдзееўкай. Яны заехалі на міннае поле і падарваліся. Астатніх дабілі ўкраінскія дроны, толькі нямногім удалося выжыць.

У той жа дзень у акупаваным пасёлку Трудоўскае каля Валнавахі, за 30 км ад лініі фронту, камандзіры пашыхтавалі тры роты 39-й асобнай гвардзейскай мотастралковай брыгады. Іх заўважыў дрон УСУ, пасля чаго атакавалі ракеты комплексу HIMARS. Загінулі больш за 60 чалавек.

Затым у Херсонскай вобласці HIMARS ударыў па збоі байцоў 810-й брыгады марской пяхоты УС РФ падчас трэніроўкі. Загінулі дзясяткі салдат.

Як піша эксперт BILD з аналізу адкрытых звестак Юльян Рэпкэ, "да масавай гібелі расейскіх салдат прыводзіць тое, што іх камандзіры, відаць, думаюць, што яны непераможныя пасля захопу Аўдзееўкі" і "ап'яныя перамогай".

Ён адзначае, што бой пад Ластачкіна, “дае адказ на пытанне, ці пабудавала Украіна другую лінію абароны на захад ад Аўдзееўкі”.