Каспараў пра акцыю «Поўдзень супраць Пуціна»: Гэта карцінка, за якую крамлёўскія яшчэ і прыплацілі б

Акцыя расейскай апазіцыі ні пра што не сказала заходнім гледачам.

Пра гэта ў інтэрв'ю заснавальніку інтэрнэт-выдання «Гардон» Дзмітрыю Гардону заявіў расейскі апазіцыйны палітык, 13-ы чэмпіён свету ў шахматах Гары Каспараў.

Падведзеная ўжо нейкая рыса пад бясконцымі і бессэнсоўнымі спрэчкамі ўнутры расейскай апазіцыі, як дапамагчы людзям, якія хочуць удзельнічаць [у пратэстах], але немагчыма. Але вось што можна сказаць пра акцыю «Поўдзень супраць [прэзідэнта РФ Уладзіміра] Пуціна»? Карцінка, за якую крамлёўскія прыплацілі б. Вялізныя чэргі перад расейскімі амбасадамі. Мы, вядома, разумеем, што гэта былі пратэстоўцы, але [амерыканскі канал] CNN гэтага не разумее, на жаль», – сказаў ён.

Паводле словаў Каспарава, заходнія абываталі бачаць у гэтым проста вялізныя чэргі людзей, якія рыхтуюцца прагаласаваць на расейскіх выбарах.

«У сутнасці мы падышлі да моманту, калі трэба прызнаць відавочнае: ракавая пухліна не загаворваецца, і ніякія тэрапеўтычныя сродкі, ці мазі, ці нейкія замовы шаманаў не дапамагаюць. Яе выразаюць ці яна забівае арганізм», – заявіў апазіцыянер.