У Беларусь з Польшчы перамяшчаецца франтальны раздзел

Прагноз надвор'я на 20-22 сакавіка.

20 сакавіка надвор'е ў Беларусі ў асноўным будзе вызначаць вобласць павышанага атмасфернага ціску, у паўднёва-ўсходняй палове краіны адаб'ецца ўплыў франтальнага падзелу, які страчвае актыўнасць. Воблачна з прасвятленнямі, паведамляе pogoda.by.

Уначы і раніцай у паўднёва-ўсходняй палове краіны пройдуць ападкі (дождж, мокры снег). Удзень месцамі чакаюцца невялікія дажджы. У начныя і ранішнія гадзіны ў асобных раёнах туман. Вецер паўночна-ўсходні слабы да сярэдняга. Тэмпература паветра мінімальная ўначы -2..+4°С, максімальная ўдзень +4..+10°С. Атмасферны ціск будзе слаба расці.

21 сакавіка адаб'ецца ўплыў вобласці падвышанага атмасфернага ціску. Пераменная воблачнасць. Пераважна без ападкаў. Уначы і раніцай у асобных раёнах чакаюцца слабыя туман і галалёд, на дарогах галалёдзіца. Вецер пераменных кірункаў слабы да сярэдняга. Тэмпература паветра мінімальная ўначы -3..+3°С, максімальная ўдзень +7..+12°С.

22 сакавіка варункі надвор'я ў рэспубліцы ў асноўным будзе вызначаць франтальны раздзел, які перамяшчаецца з тэрыторыі Польшчы. Воблачна з прасвятленнямі. Месцамі ў рэспубліцы пройдуць кароткачасовыя дажджы (уначы сярэднія, удзень невялікія). Уначы і раніцай у асобных раёнах слабы туман. Вецер паўднёвы, паўднёва-заходні сярэдні. Тэмпература паветра мінімальная ўначы складзе ад -2°С на паўднёвым усходзе да +5°С на захадзе краіны, максімальная ўдзень +6..+13°С.