У Чырвоным моры хусіты пусцілі на дно карабель.

Ён затануў пасля абстрэлу.

Еменскія хусіты апошнія некалькі месяцаў атакуюць з дапамогай ракет і беспілотнікаў міжнародныя грузавыя судны ў Чырвоным моры. Цяпер першы карабель – «Рубімар» – затануў пасля абстрэлу, піша BILD.

Атака на «Рубімар» адбылася яшчэ 18 лютага. Атрымаўшы сур'ёзныя пашкоджанні, карабель бескантрольна дрэйфаваў на поўнач і пасля затануў. Пра гэта паведамляе ўрад Емена.

Яшчэ да затаплення амерыканскія вайскоўцы папярэдзілі аб сурʼёзнай экалагічнай шкодзе. «Рубімар» перавозіў 41 тысячу тон угнаенняў. Акрамя таго, вакол карабля ўтварылася нафтавая пляма даўжынёй кіламетр. Экіпаж судна пасля атакі быў эвакуяваны ў невялікую афрыканскую краіну Джыбуці.

Еменскія хусіты пачалі абстрэльваць гандлёвыя караблі пасля пачатку аперацыі ізраільскага войска ў сектары Газа. Такім чынам хусіты прычынілі значную шкоду міжнароднаму гандлю, бо маршрут праз Чырвонае мора звязвае Еўропу і Азію. Паводле звестак Сусветнай канферэнцыі ААН у гандлі і развіцці, абʼёмы гандлю, які праходзіць праз Суэцкі канал, за апошнія два месяцы ўпаў на 42%.

У адказ на атакі ЗША і Вялікая Брытанія ўжо неаднаразова атакавалі пазіцыі хусітаў у Емене.