УСУ выбілі расейцаў з-пад Сінькоўкі
1- 27.03.2024, 11:00
- 5,900
Украінцы контратакуюць.
Сілы абароны Украіны вярнулі пэўныя пазіцыі ў Сінькоўцы Харкаўскай вобласці. Пра гэта гаворыцца ў справаздачы аналітыкаў Інстытута вывучэння вайны за 26 сакавіка.
Згодна з геалакацыйным кадрам, украінскія і расейскія вайскоўцы прасунуліся ўздоўж лініі Купянск - Крамянная на фоне баёў, якія трываюць.
Кадры ад 24 сакавіка паказалі, што ўкраінскія байцы вярнулі абмежаваныя пазіцыі ў паўночнай частцы Сінькоўкі.
"Дадатковыя геалакацыйнныя кадры, апублікаваныя 25 сакавіка, паказваюць, што расейскія войскі прасунуліся на ўсход ад Тэрнаў", – гаворыцца ў паведамленні.
Паводле інфармацыі некалькіх расейскіх вайсковых карэспандэнтаў, акупанты нібыта прасоўваюцца да Тэрнаў Данецкай вобласці, а ўкраінцы контратакуюць у гэтым раёне.
Украінскія і расейскія крыніцы заявілі аб працягу пазіцыйных баёў каля Сінькоўкі, Іванаўкі, Тэрнаў, Ямпалоўкі, Белагароўкі.