«Ляцяць не туды»: у расейскіх «Цырконаў» ёсць сур'ёзныя праблемы

Украінскі даследчык зрабіў экспэртызу абломкаў ракет.

Гіпергукавыя ракеты "Цыркон", якімі краіна-агрэсарка Расея ўдарыла па Кіеве 7 лютага і 25 сакавіка, не выконваюць пэўную баявую задачу.

Пра гэта заявіў кіраўнік лабараторыі ваенных даследаванняў Кіеўскага навукова-даследчага інстытута судовых экспэртыз (КНДІСЭ) Андрэй Кульчыцкі ў каментары "Суспільнаму".

Адпаведныя высновы ён зрабіў пасля экспэртызы абломкаў ракет.

“Баявую задачу названая ракета не выконвае. Усё, што зараджана, усе характарыстыкі “супер”, “гіпер” — усё гэта словы, а насамрэч да баявога выкарыстання ракеце яшчэ ісці і ісці”, — сказаў Кульчыцкі.

Экспэрт зазначыў, што ракета “ляціць не туды куды трэба, выконвае не тую працу, для якой прыстасаваная.

Адзначаецца, што ўкраінская СПА можа збіваць "Цырконы". Кульчыцкі зазначыў, што на адным з абломкаў, знішчанай 25 сакавіка ракеты можна ўбачыць, што яна была збітая сістэмай Patriot.

Ён таксама расказаў, што баявая частка ракеты змяшчае не больш як 40 кілаграмаў выбухоўкі. Аднак, паводле ягоных слоў, аналізы яшчэ праводзяць, таму пасля вызначаць, якое менавіта там рэчыва.

"Але баявая частка малая: у параўнанне і баявой часткай такіх ракет як X-101 і X-22 не ідзе", – падкрэсліў экспэрт.