Стала вядома, якую рэакцыю ў ЗША выклікала заява Макрона аб адпраўцы войскаў ва Украіну

Журналісты падзяліліся дэталямі.

Заявы прэзідэнта Францыі Эмануэля Макрона аб увядзенні войскаў ва Украіну выклікалі імгненную крытыку з боку канцлера Нямеччыны Олафа Шольца і раззлавалі амерыканскіх чыноўнікаў, піша Bloomberg са спасылкай на крыніцы.

Са звестак агенцтва, у прыватных размовах чыноўнікі кажуць, што такі крок можа нібыта справакаваць сутыкненне з Масквой.

Некаторыя чыноўнікі, знаёмыя з дыскусіямі ў NАТО аб Украіне, кажуць, што такія заявы лідара Францыі маглі мець эфект, супрацьлеглы жаданаму, аднак Макрон такі змог «развеяць працяглую нявызначанасць што да размяшчэння чырвоных ліній» супольнікаў.

Суразмоўцы Bloomberg заявілі, што гэтыя словы не былі разумнымі з пункту гледжання аператыўнай бяспекі, асабліва улічваючы тое, што некалькі краін ужо, негалосна, маюць пэўны асабовы склад ва Украіне.

Адзначаецца, што сваю ролю таксама адыгрывае ўнутраная палітыка Францыі, паколькі Макрон ставіць на пярэдні план сваёй перадвыбарнай кампаніі Украіну, паказваючы сваю ультраправую апаненту Марын Ле Пэн як супольніцу расейскага дыктатара Уладзіміра Пуціна.

Аднак некаторыя лідары ЕЗ усё ж чакаюць ад Макрона лідарства, а многія вітаюць яго жорсткую пазіцыю ў дачыненні да Расеі. У той жа час крытыкі прэзідэнта Францыі гавораць, што ён больш гаворыць, чым дзейнічае.

Bloomberg падаў прыклад Чэхіі, якая ўзначальвае ініцыятыву закупкі блізу 800 тысяч набояў для Украіны. Нягледзячы на тое, што ў мінулым месяцы Макрон заявіў, што падтрымлівае чэшскую ініцыятыву, Францыя яшчэ не зрабіла ніводнага фінансавага ўнёску.

У цэлым з пачатку поўнамаштабнай вайны РФ супраць Украіны Францыя значна адставала ад сваіх супольнікаў у агульным аб'ёме дапамогі. Яна паабяцала даць Кіеву менш за два мільярды еўраў на падтрымку, у адрозненне ад 22 мільярдаў еўраў, выдзеленых Нямеччынай.