Украінскія марскія пяхотнікі знішчылі наглядальны пункт з акупантамі на левабярэжжы Дняпра

Відэафакт.

Украінскія воіны выявілі кантрольны наглядальны пункт акупантаў на левабярэжжы Дняпра і знішчылі яго, паведамляюць Вайскова-марскія сілы Узброеных сіл Украіны.

Адзначаецца, што аэравыведнікі 1 асобнага батальёна марской пяхоты выявілі размяшчэнне варожага КСП на часова акупаванай тэрыторыі.

На відэа можна заўважыць, што каля будынку знаходзяцца расейскія салдаты, якія затым спусціліся ў склеп. Пасля да будынка пад'ехаў фургон з акупантамі.

Пасля гэтага па наглядальным пункце быў нанесены ўдар. Марскія пяхотнікі ўдакладнілі, што цэль была знішчаная.