Гурт «Пікнік» праз пяць дзён пасля тэракту даў канцэрт у Пецярбургу

За паўтары гадзіны да канцэрта вакол канцэртнай залі з'явіліся расейскія сілавікі.

У Санкт-Пецярбургу гурт «Пікнік» пачаў свой канцэрт з хвіліны маўчання па загінулых у тэракце ў «Крокус Сіці Холе». У канцэртнай зале «Кастрычніцкі» і вакол яе – узмоцненыя захады бяспекі, піша мясцовае выданне «Фантанка».

.

Праз пяць дзён пасля тэракту ў «Крокус Сіці Холе», у якім павінен быў прайсці канцэрт «Пікніка», рок-гурт «Пікнік» даў канцэрт у Санкт-Пецярбургу.

Мерапрыемства пачалося з хвіліны маўчання – уся глядзельная зала ўстала.

Гурт адмовіўся ад правядзення маштабнага шоу і мае намер скіраваць усе атрыманыя сродкі на дапамогу пацярпелым і сем'ям загінулых у тэрарыстычнай атацы.

За паўтары гадзіны да канцэрта вакол канцэртнай залы ў Санкт-Пецярбургу з'явіліся расейскія сілавікі – паліцыя і падраздзяленні Расгвардыі, у аглядзе будынка задзейнічалі кінолагаў.

Нагадаем, увечары 22 сакавіка мужчыны, узброеныя аўтаматамі, уварваліся ў будынак буйнога канцэртна-выставачнага комплексу «Крокус Сіці Хол» у падмаскоўным Краснагорску (фактычна ўскраіна Масквы) перад пачаткам канцэрта гурта «Пікнік». Нападнікі пачалі страляць яшчэ каля ўваходу, потым вялі стральбу па наведвальніках унутры – як у фае, так і ў канцэртнай зале. Таксама яны ўчынілі падпалы – у комплексе пачаўся маштабны пажар, зала цалкам згарэла, у ёй абваліўся дах.

Раніцай 23 сакавіка ў СК і ФСБ Расеі заявілі пра затрыманне ў Бранскай вобласці ўсіх падазроных у здзяйсненні тэракту. Усяго ў рамках расследавання, паведамляла ФСБ, затрыманыя 11 чалавек.