Тры займальныя міні-серыялы, якія варта паглядзець
10- 31.03.2024, 18:38
- 10,290
Яны глядзяцца на адным дыханні.
Папулярныя турэцкія серыялы славяцца не толькі драматызмам і тэмпераментнасцю акцёраў, але яшчэ і доўгай сюжэтнай лініяй. Калі вы не прыхільнік доўгіх стужак, гэтая падборка невялікіх турэцкіх кінакарцінаў вам спадабаецца.
«Кіно 24» падабрала шэраг кароткіх турэцкіх серыялаў, сярод якіх новыя і высакарэйтынгавыя стужкі. Для іх прагляду вам не трэба будзе марнаваць месяцы: хопіць толькі выходных.
«Зусім іншы чалавек»
Гэта новы турэцкі серыял, галоўныя ролі ў якім выканалі Хандэ Эрчэл і Бурак Дэніз. Стужка расказвае пра Лэйлу: дзяўчына працавала пракуроркай, вось пераехала ў Стамбул і прадоўжыла працаваць паводле спецыяльнасці.
Яна пачынае расследаванне ў справе аб гібелі мясцовага бізнэсмэна і з галавой заглыбляецца ў справу. У працэсе Лэйла сустракае Кенана – гэта журналіст, які таксама зацікавіўся смерцю бізнэсмэна. Чым закончыцца іхняе знаёмства? Серыял мае ўсяго 16 эпізодаў, а яшчэ не адпускае з першай хвіліны.
«Містар памылка»
Кінакарціна мае 14 эпізодаў. Серыял расказвае пра дзяўчыну Эзгі, якая ніяк не можа пабудаваць стасункі з мужчынамі. Аднак яна не пакідае мараў, што калісьці ў яе атрымаецца закахацца па-сапраўднаму.
Эзгі знаёміцца з Озгюрам. Гэта хлопец са свабодным светапоглядам, які з'яўляецца ўладальнікам бара. Ён даведваецца пра цяжкасці дзяўчыны і пастанаўляе ёй дапамагчы. Сярод іншага, становіцца настаўнікам.
«Выдатны зяць»
Міні-серыял расказвае пра эмігрантку Меліке, якая падманвае сваякоў-немцаў пра сваё жыццё ў Стамбуле. Меліке апавядае пра паспяховае жыццё і стасункі з хірургам Мехметам, а насамрэч яна ледзьве зводзіць канцы, у той час як яе «жаніх» рыхтуецца да іншага вяселля. Нечакана ў Меліке з’яўляецца шанец змяніць сваё жыццё да лепшага, але раптоўна з Нямеччыны прыязджаюць сваякі. Як выкруціцца дзяўчына?
Гэты серыял мае ўсяго 8 эпізодаў, таму яго можна адужаць усяго за дзень.