Амерыканец балатуецца ў мэры ад імя чат-бота з ШІ

У выпадку абрання ён перадасць усе справы чат-боту.

Мужчына па імені Віктар Мілер балатуецца на пасаду мэра горада Шаен, штат Ваёмінг, з незвычайным перадвыбарным абяцаннем. Ён кажа, што ў выпадку абрання перадасць усе справы чат-боту са штучным інтэлектам, піша New Voice.

Мілер стварыў уласны чат-бот на аснове ChatGPT 4.0 Virtual Integrated Citizen (VIC). З ягоных слоў, гэты чат-бот разумее законы лепш за некаторых людзей, якія працуюць у амерыканскім урадзе. У выпадку свайго абрання ён імкнецца выкарыстоўваць чат-бот замест таго, каб самастойна выконваць свае абавязкі мэра гораду. Сваю ролю Мілер апісвае як ролю «марыянеткі», якая будзе наведваць сустрэчы, падпісваць дакументы і выконваць іншую працу, для якой патрабуецца фізічная прысутнасць.

«Я зразумеў, што ён нашмат разумнейшы за мяне, і, што больш важна, нашмат лепшы за некаторых знешніх дзяржаўных служачых, якіх я бачу», – кажа ён.

Мілер таксама расказаў, што падчас рэгістрацыі сваёй кандыдатуры ў офісе акруговага сакратара хацеў, каб VIC быў зарэгістраваны як кандыдат, але не атрымалася. Таму ён зарэгістраваўся пад імем Вік, што нібыта з'яўляецца скарачэннем ад ягонага імя, і без прозвішча.

Як піша Wired, дзяржаўны сакратар штата Ваёмінг Чак Грэй дамагаецца таго, каб акруга адхіліла кандыдатуру Мілера. Ён зазначае, што кандыдатам павінен быць зарэгістраваны выбаршчык, якім чат-бот не зʼяўляецца.

«Заява Мілера парушае як літару, так і дух выбарчага кодэкса штата Ваёмінг», – кажа Грэй.

Ён таксама кажа, што імя «Вік» у бюлетэні не адпавядае ўсталяваным правілам, незалежна ад таго, хто маецца на ўвазе – чат-бот ці сам Мілер.

Мілер прызнаў, што ён не звяртаўся да OpenAI, каб запытаць дазвол на выкарыстанне чат-бота для стварэння палітычнага кандыдата. Прэс-сакратар OpenAI Ліз Буржуа паведаміла, што кампанія «прыняла меры супраць гэтага GPT праз парушэнне палітыкі ў дачыненні да палітычнай агітацыі».

Мужчына спадзяецца, што OpenAI усё ж не перавядзе VIC у аўтаномны рэжым. Зрэшты, у яго ёсць «план Б»: ён гатовы перанесці чат-бот на Llama 3 ад Meta пры неабходнасці.