20 лiпеня 2024, Субота, 7:02
Падтрымайце
сайт
Сім сім,
Хартыя 97!
Рубрыкі

У менчука пасля нанясення тату апухла рука

18
У менчука пасля нанясення тату апухла рука

Дамовіцца з майстрам па-добраму не атрымалася.

Мянчук падаў у суд на тату-майстра пасля таго, як апошні адмовіўся выплаціць за прычыненую шкоду Br15 тыс. кампенсацыі.

Справа была яшчэ ў пачатку 2023 года. Падрабязнасці прыводзіць прэс-служба Вярхоўнага суда.

Спачатку матэрыялы вывучылі ў судзе сталічнага Заводскага раёна. Вядома, што ў студзені мужчына звярнуўся да тату-майстра, каб той перарабіў ужо існы малюнак.

Майстар на словах папярэдзіў, што працэс гаення будзе больш складаным і можа спатрэбіцца больш часу. За сваю працу ўзяў Br500.

На наступны дзень у пазоўніка апухла і запалілася ўся паверхня рукі, паднялася высокая тэмпература, з прычыны чаго ён быў вымушаны выклікаць хуткую дапамогу. Медыкі паставілі дыягназ «кантактны механічны і алергічны (таксічны) дэрматыт, падвострая стадыя, дысгідроз пясцяў».

Мужчына неаднаразова звяртаўся па дапамогу лекараў і праходзіў курс лекавання антыбіётыкам.

Тату-майстра змусілі да адміністрацыйнай адказнасці за парушэнне санітарна-эпідэміялагічных патрабаванняў.

Пацярпелы папрасіў суд спагнаць Br500 за няякасную працу, няўстойку памерам Br680 і кампенсацыю маральнай шкоды – Br15 тыс. Плюс судовыя выдаткі.

Суд Заводскага раёна Менска пастанавіў скасаваць дамову, спагнаць з адказчыка Br500, а яшчэ выплаціць Br500 у якасці няўстойкі.

Даражэй за ўсё абышліся кампенсацыя маральнай шкоды (Br2000) і судовыя выдаткі (Br2300). Плюс дзяржмыта ў прыбытак дзяржавы (Br370).

Довады адказчыка аб належнай якасці аказаных паслуг суд прызнаў не пацверджанымі дастатковымі і дакладнымі доказамі.

Тату-майстар падаў апеляцыйную скаргу, але здолеў зменшыць суму толькі на Br400.

Як паведамляюць у прэс-службе, з адказчыка на карысць пазоўніка спагнаныя выдаткі ў аплаце дапамогі прадстаўніка ў судзе апеляцыйнай інстанцыі памерам Br350. Весці цяжбы зноў аказалася невыгодна.

Напісаць каментар 18

Таксама сачыце за акаўнтамі Charter97.org у сацыяльных сетках