На польска-беларускай мяжы новыя абмежаванні

Каго не пусцяць у Польшчу?

Пасля ўвядзення новага пакета санкцый супраць рэжыму Лукашэнкі суседнія краіны Еўразвязу паступова ўводзяць усё новыя абмежаванні ў дачыненні да беларускіх фізічных і юрыдычных асоб, піша nashaniva.com.

У Польшчу толькі на ўласным аўто

Палякі перасталі прапускаць праз сваю мяжу аўтамабілі з беларускай рэгістрацыяй, калі ў салоне няма ўладальніка аўто.

Са слоў удзельнікаў пагранічных тэлеграм-чатаў, не прапускаюць нават пры наяўнасці даверанасці, у тым ліку генеральнай.

Таксама пад забарону на ўезд у Польшчу патрапілі транспартныя сродкі, якія належаць юрыдычным асобам.

Атрымліваецца, што заехаць у Польшчу не змогуць і тыя аўтамабілісты, якія набылі аўтамабіль у лізінг.

На што спасылаюцца?

Новыя патрабаванні пачалі дзейнічаць з 9 ліпеня. Таксама ўдзельнікі чатаў зазначаюць, што з 10 ліпеня з Беларусі ў Польшчу больш нельга будзе везці цыгарэты і алкаголь. Такую інфармацыю агучваюць польскія мытнікі.

У прынятым 29 чэрвеня пакеце санкцый і тэхнічным рэгламенце ЕЗ гаворыцца, што кампетэнтныя органы могуць дазволіць на ўмовах, якія яны палічаць мэтазгоднымі, уезд у Саюз транспартнага сродку, на які распаўсюджваецца дзеянне мытнага кода CN 8703 (легкавыя транспартныя сродкі).

З гэтага вынікае, што кожная краіна Еўразвязу мае права сама вызначаць правілы, паводле якіх яна будзе прапускаць на сваю тэрыторыю транспартныя сродкі з беларускай рэгістрацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com