Навукоўцы распрацавалі новы тып колаў

Іх натхніла кропля вады.

Даследнікі з Паўднёвай Карэі распрацавалі рэгуляванае кола, якое можа мяняць сваю форму ў рэальным часе для пераадолення няроўнасцяў і перашкодаў на шляху. Пра гэта гаворыцца ў даследаванні ў часопісе Science Robotics.

Гэта адкрывае новыя магчымасці для стварэння інавацыйных інвалідных вазкоў або мабільных робатаў, якія могуць больш эфектыўна перамяшчацца па складаных паверхнях.

Кола мае разумную ланцуговую структуру, якая складаецца з блокаў, злучаных спіцамі з цэнтральнай утулкай. Змена адлегласці паміж бакамі ўтулкі змяняе даўжыню спіцаў, што ўплывае на форму кола: яно становіцца круглым для хуткага руху ці дэфармуецца для пераадолення перашкодаў.

Тэставанне гэтага кола паказала, што інвалідны вазок на двух колах і чатырохколавы транспартны сродак змаглі без праблем пераадольваць вялікія перашкоды і няроўнасці, якія перавышаюць радыус кола ў 1,2 разу. Аднак падчас выпрабаванняў было выяўлена, што пыл і часцінкі, якія трапляюць паміж блокамі ланцуга, могуць пашкоджваць кола. Таму даследнікі плануюць дадаць ахоўны кажух у будучых версіях.

На стварэнне такога кола іх натхніла кропля вады з паверхневым нацяжэннем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com