Пуцін збірае астатнія рэзервы
8- АЛЬФРЭД КОХ
- 17.08.2024, 10:59
- 15,206
![Пуцін збірае астатнія рэзервы](https://i.c97.org/ai/283926/aux-head-1521884869-20180324_putin_360.jpg)
А расейцаў ужо рыхтуюць да страты Курскай вобласці.
Мінулі два гады і сто семдзесят чатыры дні вайны. Сённяшнія мапы ISW практычна нічым не адрозніваюцца ад учорашніх.
З гэтага можна зрабіць выснову аб тым, што ніякага пасоўвання, якое можна зафіксаваць сродкамі аб'ектыўнага кантролю, у расейцаў сёння не было.
Я баюся рабіць прагнозы, але вельмі хочацца спадзявацца, што гэта следства Курскай аперацыі УСУ. Бо рана ці позна павінны ж былі пуцінскія генералы пачаць перакідку войск з украінскага фронту. Вось яны яе і пачалі. Чаго ж тут дзівіцца?
Так, напрыклад, крыніцы ВПС, якія маюць дачыненне да ўкраінскага вайсковага кіраўніцтва, кажуць, што перамяшчэнне расейцамі сваіх рэзерваў фіксуецца на Харкаўскім, Купянскім, Северскім, Запарожскім і Херсонскім кірунках. Звярніце ўвагу: няма Пакроўскага кірунку. Адтуль расейскія войскі пакуль не перакідваюцца. Відаць, там пуцінскія генералы яшчэ спадзяюцца дасягнуць нейкага сур'ёзнага поспеху.
Спецыялісты пішуць, што ў Курскай вобласці ўжо сканцэнтраваная расейская групоўка, якая налічвае блізу 5 тысяч чалавек. Але ўсе эксперты аднадушныя ў тым, што поспехаў у Курскай вобласці расейцы змогуць дамагчыся толькі тады, калі іх групоўка дасягне ўзроўню 30-40 тысяч чалавек.
Такая вялікая групоўка (10% ад агульнай колькасці расейскай групоўкі ва Украіне) патрабуецца таму, што часткі УСУ, якія ўвайшлі ў Курскую вобласць, пачалі актыўна абкопвацца і рыхтуюць да выкарыстання для будучай абароны пакінутую расейцамі «лінію Суравікіна».
Такім чынам, для таго, каб выбіць украінскія войскі з тэрыторыі Расеі, трэба будзе іх атакаваць. А для гэтага, як вядома, патрэбна значная колькасная перавага.
Цяпер Пуцін збірае з усёй краіны астатнія рэзервы. Апроч гэтага, усё, што можна без сур'ёзнай шкоды перакінуць з фронту, ён таксама перакідвае. Дапусцім, гэтага яму дастаткова для таго, каб спыніць прасоўванне УСУ ў Курскай вобласці ці нават адкінуць іх назад за мяжу.
Але калі УСУ стукнуць яшчэ дзе-небудзь, то тады яны ўвойдуць ужо як нож у масла: на новым адрэзку іх наступ Пуціну адбіваць ўжо не будзе чым. Гэта, як я разумею, мэдычны факт. І нават новая мабілізацыя задачы не развяжа: самае ранняе, калі мобікі могуць апынуцца на фронце - гэта месяц. Да таго ж іх трэба будзе яшчэ нечым (акрамя калаша з двума ражкамі) узброіць. І ўсё гэта таксама запатрабуе нейкага часу.
Магчыма, я занадта добра думаю аб рэзервах УСУ. Але ў мяне добрая кампанія: нехта Гіркін! Вось што ён піша з турмы: «Наконт сітуацыі на фронце: уважліва сачу. Уважаю ўдар украў у Курскай вобласці для адцягвання ўвагі. Варта чакаць другога - галоўнага, у якім яны задзейнічаюць свае астатнія (асноўныя) рэзервы і авіяцыю (Ф-16). Імаверней за ўсё - у Крымскім кірунку».
Тым часам расейскія прапагандысты на цэнтральнай тэлевізіі ўжо паціху пачынаюць прывучаць расейцаў да таго, што частку сваёй тэрыторыі Расея змушаная будзе на нейкі перыяд страціць. Паглядзіце, кажа адзін з іх, на мапу Расеі: нешта вам незразумела, што тысяча-другая квадратных кіламетраў - гэта дробязь, пра якую і казаць не варта…У нас гэтых тысяч - да Месяца ракам не пераставіць… І ўсе прысутныя ў студыі «эксперты» згодна загаманілі: гэта так…такога дабра ў нас навалам…не пераставіць…
Як вычварна гуляе людзьмі лёс: яшчэ нядаўна Пуцін усіх расейцаў віншаваў з тым, што Расея прырастае «сваімі новымі-старымі землямі», а зараз бач яно як павярнулася: трэба абвыкаць да страты сваіх старых зямель і рабіць выгляд, што гэта ўсё глупства і трымаць фасон. Мне не балюча - курыца задаволеная…
«Пацешыў» мяне яшчэ і Лукашэнка. Ён паведаміў граду і свету, што калі УСУ хоць на сантыметр перойдзе мяжу з Беларуссю, то «саюзная дзяржава» неадкладна нанясе па Украіне ядзерны ўдар.
Але ў мяне засталіся пытанні. Нават не ведаю, каму іх задаць? Вось, напрыклад, такое: наколькі я разумею, ядзерная зброя на тэрыторыі Беларусі застаецца пад кантролем Расеі і Беларусь да яе не мае ніякага дачынення, бо яна - бяз'ядзерная дзяржава.
Ці правільна я разумею, Аляксандр Рыгоравіч, што вы, перш чым рабіць такую заяву, узгаднілі яе з Пуціным? Калі так, то чаму тады яе зрабіў не ён сам?
Пагадзіцеся, больш лагічна было б, калі б такую заяву зрабіў чалавек, які і будзе націскаць кнопку! А так гэта выглядае неяк не надта пераканаўча. Вы сказалі, а Пуцін гэтага ніяк, ні проста, ні ўскосна не пацвердзіў…І ваша заява зараз выглядае пустой бравадай…
І другое пытанне: калі націскаць кнопку будзе Пуцін, то чаму за Беларусь ён яе націсне, а за Курскую вобласць - не націснуў? Чаму ягоная ўласная тэрыторыя яму не такая дарагая, як беларуская? Ці павінны мы ў гэта паверыць толькі таму, што нам гэта сказаў Лукашэнка? Можна мы, усё ж, застанемся ў старым перакананні, што кожнаму кіраўніку яго ўласная тэрыторыя даражэйшая, чым тэрыторыя яго хаўрусніка. Пагатоў, калі яго хаўруснік, такая старая бл…дзь як вы, Аляксандр Рыгоравіч!
А яшчэ пішуць, што УСУ разбамбілі з дапамогай HIMARS масты праз раку Сейм у Курскай вобласці. І, тым самым адрэзалі ад «вялікай зямлі» надзелу 700 кв. км, на якім знаходзіўся цэлы батальён расейскіх войск. Цяпер яны ў катле і не сёння-заўтра УСУ іх возьме ў палон…
А яшчэ паведамляюць, што зноў (зараз - ля Корэнева) пад украінскі агонь патрапіла калона расейскіх войск. І зноў, як тыдзень таму пад Рыльскам, горы трупаў, шмат параненых і разбітая тэхніка…Сапраўды: язда ў калоне - улюбёны занятак расейскіх самазабойцаў. Гэта мы ведаем яшчэ з часоў «пераможнага» маршу на Кіеў у канцы лютага - пачатку сакавіка 2022 года.
Слава Украіне!
Альфред Кох, «Тэлеграм»