Паплечнік Гіркіна нагадаў Пуціну, што ён казаў Захаду ў 2022 годзе
3- 17.08.2024, 13:13
- 11,788
![Паплечнік Гіркіна нагадаў Пуціну, што ён казаў Захаду ў 2022 годзе](https://i.c97.org/p/articles/ai-231835-aux-head-20161121_putin_360.jpg)
Панты?
Паспяховы наступ УСУ ў Курскай вобласці выклікаў істэрыку ў шэрагах расейскіх Z-патрыётаў. Расце расчараванне ў дыктатары РФ Уладзіміры Пуціне, які выявіўся не здольным захапіць Украіну.
Красамоўны допіс пра Пуціна 16 жніўня апублікаваў «раззлаваны патрыёт» Уладзімір Квачкоў - найбліжэйшы паплечнік чэкіста Ігара Стралкова (Гіркіна), паведамляе Dialog.UA.
Квачкоў узгадаў Пуціну ягоны відэазварот 24 лютага 2022 года. Дыктатар, абвяшчаючы пачатак так званай «спецаперацыі» супраць Украіны, зрабіў вельмі грозную заяву на адрас Захаду.
«Хто б не спрабаваў перашкодзіць нам, (...), павінны ведаць, што адказ Расеі будзе неадкладным. І прывядзе да такіх наступстваў, з якімі вы ў сваёй гісторыі яшчэ ніколі не сутыкаліся! - Казаў Пуцін.
Цяпер крамлёўская прапаганда аддае перавагу не ўспамінаць аб тых пагрозах, якія так і не былі рэалізаваныя. Квачкоў назваў «пантамі» пагрозы расейскага дыктатара. Ён паскардзіўся на слабасць улад РФ.
«Пуцін. Панты. Недзе паміж чырвонымі і карычневымі лініямі. Пасля ўварвання (УСУ - рэд.) у Курскую вобласць пара б зрабіць так, каб словы супалі са справамі. Але не. Правакаванне ворага слабасцю працягваецца», - напісаў расейскі Z-патрыёт.
Выказаўся з гэтай нагоды і расейскі Z-канал «ПДВ за сумленнасць і справядлівасць», звязаны з УС РФ.
«Успамінаецца, што тады ў лютым 2022 года мы слухалі вярхоўнага і верылі яму. А цяпер неяк нават ніякавата ад гэтых успамінаў», - паскардзіліся акупанты.