З'явілася відэа, як УСУ знішчылі другі мост у Курскай вобласці

Удар нанесла ўкраінская авіяцыя.

Камандуючы Паветранымі сіламі Узброеных сіл Украіны Мікалай Аляшчук паказаў, як украінскія абаронцы знішчылі ўжо другі мост на тэрыторыі Курскай вобласці Расеі. Па аб'екце рэзультатыўна адпрацавала авіяцыя.

Эфектныя кадры камандуючы апублікаваў у Telegram. Ён падзякаваў украінскім пілотам за прафесіяналізм і вынік.

«Курскі кірунак. Мінус яшчэ адзін мост! Авіяцыя Паветраных Сіл дакладнымі ўдарамі з паветра працягвае пазбаўляць ворага лагістычных здольнасцяў, што істотна ўплывае на ход баявых дзеянняў», – адзначыў Аляшчук.

Раней расейскія Telegram-каналы пісалі, што Сілы абароны Украіны разбурылі мост праз раку Сейм каля сяла Званнага Курскай вобласці.

У Глушкоўскім раёне застаўся толькі адзін мост у сяле Карыж. Гэта азначае, што ў расейскіх вайскоўцаў, якія могуць знаходзіцца ў гэтым раёне, амаль не засталося шляхоў для пастаўкі ўзбраення і харчоў.

16 жніўня УСУ зруйнавалі мост праз раку Сейм каля вёскі Глушкова Курскай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com