У футбольнага клуба БАТЭ новы трэнер

Звольнены з пасады галоўнага трэнера Ігар Крывушэнка таксама будзе працаваць у клубе.

Ігар Крывушэнка пакінуў пасаду галоўнага трэнера БАТЭ. Выконваць абавязкі стырнавога будзе Іван Мігаль, які да гэтага кіраваў другім складам жоўта-сініх.

Перастаноўкі на трэнерскім мастку для заўзятараў не сталі сенсацыяй. Барысаўская каманда слаба пачала сезон і з кожнай гульнёй апускалася ў турнірнай табліцы ўсё ніжэй і ніжэй. Перамены наспявалі.

Канчатковую пастанову кіраўніцтва клуба прыняло пасля матча БАТЭ з «Тарпеда-БелАЗ», у якім барысаўцы саступілі 1:2. Цяпер каманда знаходзіцца на 11-м месцы ў чэмпіянаце Беларусі.

Цікава, што, нягледзячы на гэта, Крывушэнка застанецца працаваць у структуры клуба. У якасці каго, не паведамляецца.

Нагадаем, што гэты спецыяліст прыводзіў барысаўцаў да залатых медалёў у 2006-м і 2007-м, па выніках якіх прызнаваўся найлепшым трэнерам краіны.

Іван Мігаль пакуль будзе выканаўцам абавязкаў. Пры гэтым вядома, што трэнерскі штаб зведае і іншыя змены. Асістэнтам стырнавога стане Віталь Рагожкін.

Каманду БАТЭ-2, якая выступае ў першай лізе, узначаліць Арцём Канцавы, дапамагаць яму будзе Дзмітрый Ліхтаровіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com