Дональд Туск: Аперацыя працягваецца

Прэм’ер Польшчы атрымаў інфармацыю пра збітыя расійскія дроны.

Прэм’ер Польшчы Дональд Туск паведаміў, што атрымаў ад Аператыўнага камандуючага відамі Узброеных Сіл даклад пра збітыя дроны, якія ўначы з аўторка на сераду ўварваліся ў паветраную прастору Польшчы.

«Я атрымаў даклад ад Аператыўнага камандуючага Узброеных Сіл пра збітыя дроны, якія ўварваліся ў нашу паветраную прастору і маглі ўяўляць пагрозу. Аперацыя працягваецца», — напісаў прэм’ер Дональд Туск перад сёмай раніцы па мінскім часе ў сэрвісе X.

Аператыўнае камандаванне Узброеных Сіл Польшчы паведаміла, што ўначы падчас атакі Расіі на тэрыторыю Украіны паветраная прастора Польшчы неаднаразова парушалася дронамі.

«Над Польшчай працягваецца аперацыя па нейтралізацыі аб’ектаў, якія парушылі і перасеклі мяжу РП. Дзяржаўныя ўлады — прэзідэнт і прэм’ер-міністр — праінфармаваныя. Усе службы дзейнічаюць. Просім выконваць указанні Польскай арміі і паліцыі», — заявіў намеснік міністра нацыянальнай абароны Цэзары Томчык.

Раней таксама з’явілася інфармацыя пра часовае закрыццё аэрапортаў у Жэшуве, Любліне і Варшаве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com