Улады ўводзяць навацыі ў сферы ЖКП

Яны закрануць «дармаедаў» і навасёлаў.

У кастрычніку ў Беларусі пачнуць дзейнічаць змены, якія датычацца жыллёва-камунальных паслуг. «Зеркало» склала падборку такіх навацый.

Навацыя па электраэнергіі

З кастрычніка таксама ўвядуць некаторыя змены па аплаце спажытай электраэнергіі. Так, людзям, якія набылі кватэру ў новабудове, на працягу трох месяцаў пасля ўводу яе ў эксплуатацыю будуць выстаўляць рахункі за электраэнергію па субсідаваных тарыфах.

Для нежылых памяшканняў з'явіцца магчымасць ажыццяўляць дыферэнцыяваную аплату паводле часу сутак, выбраўшы двухзонны або трохзонны тарыф. Але ёсць важны нюанс — наяўнасць дагавора на электразабеспячэнне.

Навацыя для «дармаедаў»

З 1 кастрычніка ўвядуць навацыю па разліку і аплаце жыллёва-камунальных паслуг для кватэр, уласнікі якіх трапілі ў базу «ўтрыманцаў». Так, з наступнага месяца ў сітуацыях, калі ўласнік жылля апынаецца ў ліку «дармаедаў», усе выдаткі на ацяпленне, гарачую ваду і газ будуць налічвацца па эканамічна абгрунтаваных тарыфах, нават калі іншыя зарэгістраваныя ў гэтай кватэры лічацца занятымі ў эканоміцы. Цяпер уласнік-«дармаед» толькі сваю частку гэтых паслуг аплачвае па поўных тарыфах.

Нагадаем, «дармаеды» цяпер аплачваюць па поўных тарыфах некаторыя жыллёва-камунальныя паслугі — ацяпленне, гарачую ваду і газ. Кошт першых двух паслуг для «ўтрыманцаў» у 4,8 раза вышэйшы, чым для астатняга насельніцтва. Пры гэтым чыноўнікі не адмовіліся ад ідэі ўвесці для «дармаедаў» абмежаванні на бясплатную медыцыну.

Жыроўкі — або на паперы, або электронныя

Сярод іншага, навацыі, якія пачнуць дзейнічаць з 1 кастрычніка, закрануць спосабы паведамлення аб памеры платы за жыллёва-камунальныя паслугі. Так, з наступнага месяца жыроўку можна будзе атрымаць толькі адным са спосабаў: або папяровую, або ў электронным фармаце, паведамілі раней у Міністэрстве жыллёва-камунальнай гаспадаркі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com