Z-прапагандыст заявіў пра слабасць расійскай арміі
1- 26.10.2026, 15:47
- 1,786
У акупантаў дэфіцыт тэхнікі і жывой сілы.
Расійскія прапагандысты працягваюць развенчваць міфы пра маштабы арміі краіны-агрэсара. Ваенны эксперт і палкоўнік Віктар Баранец прызнаўся, што акупанты не ў стане ажыццявіць значны прарыў фронту ва Украіне.
Па яго словах, для буйной наступальнай аперацыі захопнікам патрэбна больш людзей і тэхнікі, якіх «няма адкуль узяць». Відэа апублікавалі ў Telegram-канале «Сеятель ветра».
Прапагандыста спыталі, ці здольная армія РФ правесці паўнавартасную маштабную аперацыю з глыбокім прарывам лініі фронту і акружэннем праціўніка. Эксперт адказаў, што цяпер у расійскай арміі няма магчымасці ажыццявіць такую грандыёзную аперацыю.
«Каб правесці гэтую буйную армейскую аперацыю, патрэбна вялікае групаванне. Ну, хаця б тысяч 200. І гэта ж толькі асабовы склад. А туды трэба падцягнуць і артылерыю, і авіяцыю, і беспілотнікі — гэта трэба рыхтаваць. А дзе ж узяць?» — паскардзіўся Баранец.
Ён дадаў, што сітуацыю можна змяніць, але для гэтага давялося б перакідваць сілы з іншых напрамкаў, у прыватнасці з Харкаўскага і Дняпрапятроўскага. Тады гэтыя ўчасткі фронту засталіся б без абароны.
Аўтары Telegram-канала пацікавіліся, навошта Расія працягвае безвыніковыя пазіцыйныя баі, калі такая тактыка не здольная прывесці да пастаўленай мэты. Яны таксама адзначылі, што Баранец, відавочна, і сам не ведае адказу.
Нагадаем, раней Баранец эмацыйна адрэагаваў на пытанне слухача аб няздольнасці расійскай СПА абараняць гарады ад украінскіх беспілотнікаў. У эфіры ён фактычна прызнаў, што ў расійскай арміі няма эфектыўнага спосабу супрацьдзейнічаць такім атакам, хоць яго пошук вядзецца ўжо некалькі гадоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
