У парламенце Ірана прапанавалі абвясціць імпічмент кіраўніку МЗС

Абаса Арагчы абвінавацілі ў тым, што ён падчас паездкі ў Нью-Ёрк сустракаўся з уладамі ЗША без дазволу вярхоўнага лідара.

У парламенце Ірана зарэгістравалі прапанову аб імпічменце міністра замежных спраў Абаса Арагчы, паведамляе Tasnim.

«Хадайніцтва аб імпічменце міністра замежных спраў спадара Арагчы зарэгістравана ў сістэме, але яшчэ не перададзена ў прэзідыум. Відавочна, адзін з дэпутатаў зарэгістраваў гэты запыт, аднак сёння ён не быў перададзены прэзідыуму», — сказаў агенцтву член прэзідыума іранскага парламента Мухамад Рашыдзі.

Іншы член прэзідыума, Хаджат аль-Іслам Алірэза Салімі, у размове з агенцтвам Mehr адзначыў, што рэгістрацыя запыту аб імпічменце ў парламенцкай сістэме не абавязкова азначае, што ён будзе перададзены ў прэзідыум або ўключаны ў парадак дня пасяджэння.

Як паведамляе Al Arabiya, дэпутат ад Тэгерана Амір Хасейн Сабеці абвінаваціў Арагчы ў тым, што той падчас паездкі ў Нью-Ёрк сустракаўся з прадстаўнікамі амерыканскіх уладаў без дазволу вярхоўнага лідара Ірана Маджтабы Хаменеі. Падставамі для імпічменту міністра ініцыятары запыту лічаць «перасячэнне чырвоных ліній» і «пралікі» падчас перамоў з ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com