У Мінску зносяць прыватны сектар у раёне вуліц Дзянісаўскай і Якубавай

Што з’явіцца на іх месцы?

Згодна з горадабудаўнічымі дакументамі, у Мінску плануюць знесці сядзібную забудову на ўчастку ад вуліц Дзянісаўскай да Якубавай. Пра падрабязнасці праекта расказаў старшыня камітэта архітэктуры і горадабудаўніцтва Мінгарвыканкама Віктар Гуцько, паведамляюць «Мінск-Навіны».

— Пакуль гэта ўсё ў перспектыве, на перадпраектных прапрацоўках. Аднак на гэтай тэрыторыі сапраўды прадугледжваецца сфарміраваць сістэму тэматычных паркаў гарадскога значэння з азеляненнем і добраўпарадкаваннем тэрыторыі. Дэтальным планам у складзе парка прадугледжваюцца аб’екты грамадскага прызначэння — навукі, культуры, адпачынку і забаў. У межах рэалізацыі гэтых праектаў прадугледжваецца знос сядзібнай забудовы, — паведаміў чыноўнік.

Разам з тым ён удакладніў, што заказчык гэтых работ пакуль не вызначаны, і абазначыць тэрміны выканання праекта не ўяўляецца магчымым.

Нагадаем, нядаўна «перадумалі» зносіць прыватныя дамы па вул. М. Багдановіча з-за змяненняў у планах будаўніцтва чацвёртай лініі метрапалітэна. Разам з тым пад знос трапіць прыватная забудова ўздоўж вул. Арлоўскай, якая трапляе ў межы выканання работ па будаўніцтве падземкі.

На месцы прыватнага сектара ў раёне вуліц Дзянісаўскай і Якубавай з’явяцца парк і зоны адпачынку

На тэрыторыі каля Свіслачы ў раёне вуліц Дзянісаўскай і Якубавай плануецца стварыць паркі, грамадскія прасторы і зоны адпачынку, а прыватны сектар пойдзе пад знос

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com