СМІ ўпершыню распавялі пра тры раненні Буданава

Калегі сцвярджаюць, што кіраўнік ГУР прасіў пабрацімаў «пакінуць яго».

Кіраўнік Офіса Прэзідэнта Украіны Кірыл Буданаў, будучы ваенным разведчыкам, быў тройчы паранены. Пра гэта піша «Бабель» у вялікім матэрыяле пра новага кіраўніка ОП.

Упершыню — на пачатку сакавіка 2015 года, падчас аперацыі Галоўнага ўпраўлення разведкі Міністэрства абароны Украіны ў акупаванай частцы Данбаса. Ягоная група спрабавала знішчыць комплекс РЭБ акупантаў, але расіяне адвялі яго ў іншае месца. Дарогай назад у раёне Горлаўкі Данецкай вобласці разведчыкі наткнуліся на міннае поле. Трох байцоў, уключна з Буданавым, параніла — аскалкі трапілі яму ў шыю і лапатку. Калегі сцвярджаюць, што ён прасіў пабрацімаў «пакінуць яго».

«Мы яго перабінтавалі, агледзелі, заклеілі рану, зрабілі абязбольванне, паднялі і пайшлі... Аскалак з шыі там так і не змаглі дастаць. Ужо потым у Дняпры рабілі аперацыю», — успамінае адзін з вайскоўцаў.

Другое раненне «Бабель» апісвае без абставінаў, адзначаючы, што яно адбылося ў дзень нараджэння ягонай жонкі Марыянны.

«Ён мне тэлефануе, а я чую — там нейкі шум на фоне. Пытаюся: “Вы там ужо пачалі святкаваць мой дзень нараджэння?” А ён смяецца і так лёгка кажа, што яго паранілі і вязуць у шпіталь. Яшчэ жартуючы лічыў, ці ўсе пальцы ў яго на месцы», — успамінае яна.

У снежні 2016 года падчас чарговага задання Буданава паранілі трэці раз — куля раздрабіла локаць правай рукі. Рэабілітацыю ён праходзіў у адным з найлепшых ваенных шпіталяў ЗША — Walter Reed National Military Medical Center. Лячэнне аплачваў амерыканскі бок, харчаванне і пражыванне — прыватныя донары. У амерыканскую бальніцу ён прыбыў толькі праз паўгода пасля ранення.

Блізкія і калегі Буданава сцвярджаюць, што ён не быў паранены з пачатку паўнамаштабнага ўварвання РФ, як пра гэта пісала расійская прапаганда. Вялікую вайну яны з жонкай сустрэлі ў ГУР, не трапіўшы ў вузкае кола тых, хто перажыў першыя тыдні ўварвання ў сховішчы разам з прэзідэнтам.

У сакавіку 2022 года расіяне ракетай атакавалі штаб-кватэру ГУР МА Украіны ў Кіеве, дзе Буданаў быў на нарадзе.

«Пасля магутнага выбуху, які аглушыў прысутных, ён праверыў, ці ўсё ў парадку з жонкай, абтросся ад пылу і пайшоў на вуліцу глядзець на пашкоджанні і абломкі», — адзначылі журналістам відавочцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com