Каардынатар польскіх спецслужбаў распавёў падрабязнасці абмену Анджэя Пачобута

Польшча да канца не была ўпэўненая, што журналіст выйдзе на свабоду.

Міністр-каардынатар спецыяльных службаў Польшчы Томаш Сямоняк у эфіры TVPinfo распавёў, як праходзіў абмен на польска-беларускай мяжы, у выніку якога ў аўторак быў вызвалены лідар Саюза палякаў у Беларусі, журналіст Анджэй Пачобут.

— Гэты абмен быў вельмі верагодны, бо ў яго было ўцягнута больш краін, чым толькі Польшча і Беларусь. Аднак у такіх сітуацыях ніколі няма ўпэўненасці, што нічога не сарвецца, што Лукашэнка не патэлефануе і не скажа: «Мы гэтага не робім, бо…». Так ужо было раней, калі мы былі вельмі блізка да абмену, — сказаў Томаш Сямоняк.

Перамовы, паводле словаў Сямоняка, цягнуліся некалькі тыдняў:

— Трэба было ўсё дбайна падрыхтаваць з абодвух бакоў. У гэтым абмене таксама ўдзельнічалі грамадзяне іншых дзяржаў — іх трэба было даставіць да мяжы. Усё было дэталёва ўзгоднена нашымі службамі, — дадаў ён.

— Перад 13:00, калі ўсё павінна было пачацца, мы з прэм’ерам глядзелі на экран, дзе мусілі з’явіцца беларусы з Анджэем, і ў нас не было ўпэўненасці. Эмоцыі ў той момант былі велізарныя. Учора іншы бок стрымаў слова, але раней бывала, што не стрымліваў, — расказаў ён.

Ён дадаў, што польскія ўлады «вельмі інтэнсіўна займаліся справай Анджэя Пачобута на працягу двух гадоў».

— Былі розныя сітуацыі — абяцанні, абавязацельствы, перамовы. Вялікую ролю адыграла Міністэрства замежных спраў, а таксама сам прэм’ер, які кантактаваў з лідарамі іншых краін, каб давесці гэты абмен да канца. Гэта была праца многіх людзей. Учора наступіў фінал, але да канца ён не быў гарантаваны, бо залежаў ад рашэння іншага боку, — сказаў Сямоняк.

— Умоваю польскага боку было тое, што Анджэй Пачобут павінен быць перададзены першым. Гэта была наша ўмова, прынятая другім бокам. Для нас гэта было відавочна: няма Пачобута — няма абмену, — падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com