Як украінская разведка з дапамогай агента разграміла «кадыраўцаў»

«Ахмат» панёс рэкордныя страты.

У перыяд з лютага па красавік 2026 года была рэалізавана спецаперацыя па знішчэнні наймітаў падраздзялення «Ахмат» Расгвардыі на Сумскім напрамку, паведамляе ГУР Мінабароны Украіны.

У аперацыі ўдзельнічалі спецпадраздзяленне ГУР Мінабароны «Шаманбат», у склад якога ўваходзяць воіны вольнай Ічкерыі, разам з 104-й брыгадай ТрО «Гарынь» ў узаемадзеянні з падраздзяленнем агентурных аперацый ГУР.

2Інфармацыю пра планы і намеры ворага ваенным выведнікам перадаваў агент — былы вайсковец «Ахмата», з якім ГУР усталяваў сувязь у пачатку 2025 года. Пазней выведнікі арганізавалі бяспечны пераход агента на падкантрольную Украіне тэрыторыю», — паведамілі ў разведцы.

Агент усталяваў прыладу для праслухоўвання, якую атрымаў за лініяй фронту з дапамогай дрона, у памяшканні для нарад «Ахмата». У выніку аператыўнікі ГУР былі ў курсе размоў усяго каманднага складу падраздзялення.

Інфармаванасць пра варожыя планы і магчымасці дазволіла ўкраінскім спецназаўцам наносіць прыцэльныя ўдары па кадыраўцах падчас іх перамяшчэнняў і ў раёнах канцэнтрацыі.

У выніку спецаперацыі «Ахмат» панёс найбольшыя страты за ўвесь час паўнамаштабнай вайны: 41 забіты, 87 — параненыя. Яшчэ больш за сотню кадыраўцаў лічацца зніклымі без вестак.

Акрамя таго, знішчана і пашкоджана больш за 160 адзінак браняванай і аўтамабільнай тэхнікі, больш за 25 беспілотнікаў, сродкі сувязі, РЭБ/РЭР, інжынернае абсталяванне і тэхніка, склады зброі і паліўных матэрыялаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com