Bloomberg: Трамп запрасіў Маска і Кука ў паездку ў Кітай

Акцыі Tesla ўжо адрэагавалі ростам.

Прэзідэнт ЗША Дональд Трамп запрасіў кіраўнікоў найбуйнейшых амерыканскіх кампаній далучыцца да яго паездкі ў Кітай на гэтым тыдні, паведамляе Bloomberg.

Прадстаўнік Белага дома паведаміў, што ў склад дэлегацыі для сустрэчы са старшынём КНР Сі Цзіньпінам увайдуць кіраўнік Tesla Ілон Маск, генеральны дырэктар Apple Цім Кук, кіраўнік BlackRock Лэры Фінк і кіраўнік Boeing Кэлі Ортберг.

Агенцтва піша, што ў перамовах таксама возьмуць удзел топ-менеджары Blackstone, Cargill, Citigroup, Cisco, Goldman Sachs, Mastercard, Meta Platforms, Micron Technology, Qualcomm і Visa.

Прэзідэнт ЗША лічыць, што прысутнасць на сустрэчы прадстаўнікоў бізнесу дапаможа заключыць шэраг камерцыйных здзелак і дамоваў аб закупах з Пекінам.

Bloomberg адзначае, што акцыі Tesla падскочылі на 1,3%, кампенсавалі страты каля 2,7%, зафіксаваныя раней падчас гандлёвай сэсіі, а акцыі Coherent працягнулі рост. Акцыі Illumina, GE, Boeing, Cisco, Visa, Mastercard і Apple дасягнулі сэсійных максімумаў пасля заявы Белага дома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com