Крэмль паказаў сваю слабасць
1- 14.05.2026, 16:11
- 1,294
Пуцінская Расія, падобна, жыве на пазычаным часе.
Парад Перамогі 9 мая 2026 года ў Маскве стаў самым кароткім у найноўшай гісторыі Расіі і нечакана ператварыўся ў сімвал нарастаючых праблем Крамля. Святкаванні на Чырвонай плошчы доўжыліся ўсяго 43 хвіліны, а ўпершыню з 2008 года па бруку не прайшлі танкі, ракетныя комплексы і артылерыя, піша 19FortyFive (пераклад — сайт Charter97.org).
Замест дэманстрацыі найноўшай тэхнікі гледачам паказалі толькі кароткі пралёт старых самалётаў — Су-25, МіГ-29 і Су-30. Найноўшы знішчальнік Су-57, які Масква доўга называла сімвалам ваеннай моцы, на парадзе так і не з’явіўся.
Заходнія аналітыкі і журналісты адзначылі рэзкае скарачэнне маштабу мерапрыемства. Сярод замежных гасцей не было буйных сусветных лідараў — побач з Пуціным знаходзіліся пераважна прадстаўнікі сяброўскіх аўтарытарных рэжымаў і непрызнаных тэрыторый.
На гэтым фоне ўзмацняюцца і эканамічныя праблемы Расіі. Паводле дадзеных артыкула, дэфіцыт федэральнага бюджэту ўжо дасягнуў амаль 79 мільярдаў долараў — гэта на 55% вышэй за гадавы план, хоць да канца года яшчэ застаецца некалькі месяцаў. Расійскія кампаніі ўсё часцей сутыкаюцца з даўгамі і рызыкай дэфолтаў.
Асобную ўвагу прыцягнулі беспрэцэдэнтныя меры бяспекі. У Маскве загадзя адключалі інтэрнэт і ўзмацнялі СПА з-за пагрозы ўдараў украінскіх дронаў. Паводле інфармацыі аўтараў матэрыялу, Крэмль нават пайшоў на буйны абмен палоннымі з Украінай дзеля часовага спынення агню на дні святкавання.
Аналітыкі лічаць, што гэты парад паказаў не сілу, а стому сістэмы. Вайна супраць Украіны, задуманая як «хуткая аперацыя», цягнецца ўжо больш за чатыры гады і ўсё мацней цісне на расійскую эканоміку, армію і грамадства.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
