Названыя пяць найлепшых марынатаў для шашлыку

Важна правільна выбраць мяса для гэтай стравы.

Падборка з 5 найлепшых рэцэптаў, каб вы змаглі прыгатаваць ідэальны шашлык у гэтыя выходныя.

Як выбіраць мяса для шашлыку

Вы ж не хочаце, каб шашлык па смаку нагадваў гуму? Каб гэтага не адбылося, трэба выбіраць правільную тушу і правільную яе частку. Логіка простая - чым менш цягліца напружвалася пры жыцці жывёлы, тым мякчэй будзе мяса. Найлепшыя часткі свініны - гэта:

- Вырэзка;

- Шыйка;

- Карэйка.

Мяккія валокны і тлушчавая праслойка - гарантыя сакавітасці мяса на выхадзе. Адзін момант - з усіх відаў вырэзка самая сухая, у ёй няма тлушчавай праслойкі. Выручыць можа сала - нарэжце яго тонкімі кавалачкамі і нанізвайце на шампур паміж кавалкамі мяса.

У чым марынаваць шашлык

Ёсць 5 правілаў, пра якія трэба ведаць перад тым, як прыступаць да працэдуры марынавання мяса:

- Свежы прадукт не патрабуе марынату. Непасрэдна перад смажэннем вы можаце яго пасаліць, паперчыць - і ўсё. У такім выпадку марынат патрэбны толькі дзеля надання незвычайнага смаку;

- Свініну, бараніну і ялавічыну марынуюць 1,5 - 2 гадзіны, курку - 30 хвілін;

- Калі вы не ўпэўненыя ў якасці мяса або яго ўзрост нельга назваць маладым, марынаваць трэба ўдвая даўжэй. Курыца - 2 гадзіны, свініна - 4 гадзіны, ялавічына і бараніна - 6 гадзін;

- Суткі можна марынаваць мяса любога ўзросту. Цыбуля, што змяшчаецца ў марынатах, мае антыбактэрыяльныя ўласцівасці. Гэта значыць, што тэрмін захоўвання мяса падаўжаецца;

- Можна марынаваць шашлык пры пакаёвай тэмпературы. Але, калі час марынавання большы за 2 гадзіны - пастаўце яго ў халадзільнік.

Цыбульны марынат

Раскошны рэцэпт для знаўцаў шашлыку. Ідэальны да свініны, асабліва для шыйкі.

цыбуля рэпчатая - 0,5 кг;

соль;

свініна або пяшчотны кавалак ялавічыны - 1 кг;

чорны перац і карыяндар;

спецыі па смаку.

Мяса наразаем буйнымі кавалкамі, цыбулю здрабняем. Змешваем і ставім на ноч у халадзільнік або іншае халоднае месца. Раніцай дадаем спецыі. Соль кладзём толькі перад тым, як нанізваць мяса на шампур. Калі пасаліць адразу, шашлык атрымаецца сухім. Па жаданні паміж кавалкамі мяса на шампур можна дадаць памідор або цыбулёвыя пярсцёнкі.

Марынат з французскай гарчыцай

мяса - 2 кг;

французская гарчыца ў зярнятах - 100-150 г;

спецыі па смаку;

соль.

Таксама, як і ў першым варыянце, наразаем мяса буйнымі кавалкамі (мінімум 5-8 см) і змешваем са спецыямі. Сакрэт французскай гарчыцы ў тым, што яна здольная змякчыць любое мяса, нават самае жорсткае, а зярняткі прыемна хрумсцяць пасля запякання.

Марынат з газаванай вадой

мяса;

газаваная вада;

спецыі па смаку;

соль;

алівкавы алей.

Наразаем мяса, заліваем яго мінеральнай вадой, насыпаем спецыі і змешваем. Праз 40 хвілін шашлык будзе гатовы да прыгатавання. Зліваём ваду, дадаем соль і 3-4 сталовыя лыжкі алею. У самым канцы яшчэ раз пасыпаем духмянымі травамі.

Перавага такога рэцэпту ў тым, што газаваная вада хутка размякчае мяса і такі спосаб - знаходка, калі ідэя прыгатавання шашлыку нарадзілася раптоўна.

Марынат з гранатавым сокам і імбірам

мяса - 2 кг;

гранаты - 1-2 буйныя;

імбір;

соль;

спецыі па смаку.

Ні ў якім разе не выкарыстоўвайце пакетаваны сок - толькі свежы. Наразаем мяса буйнымі кавалкамі і ставім марынавацца на ноч. Сачым, каб шашлык прасякнуўся, але не плёскаўся ў гранатавым соку. Раніцай дадаем спецыі, нацёрты імбір кладзём у марынат. Салім і змазваем мяса алеем перад тым, як нанізваць на шампур.

Марынат са сліўкамі

свініна - 2 кг;

цыбуля рэпчатая - 5 шт.;

памідоры - 7 шт.;

сліўкі - 1 шклянка;

чорны перац молаты;

лаўровы ліст, спецыі, соль.

Мяса наразаем і націраем чорным перацам. Цыбулю і памідоры наразаем кольцамі. Укладаем слаямі па чарзе з мясам, паміж слаямі кладзём лаўровы ліст. Заліваем сліўкамі, ставім у халадзільнік на некалькі гадзін. Перад прыгатаваннем солім мяса.

Падаваць духмяны шашлык можна з маладой бульбай, агародніннай нарэзкай або лёгкімі летнімі салатамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com