Віцебшчына страчвае дзяцей

Шакуючыя лічбы.

Віцебская статыстыка да Міжнароднага дня абароны дзяцей паказала, як за два гады змянілася дзіцячая інфраструктура рэгіёна. На 1 студзеня 2024 года ў вобласці было 496 дашкольных устаноў, а на 1 студзеня 2026-га засталося 467. Мінус 29 дзіцячых садкоў, піша «Віцебск, я гуляю».

Відавочна, гэта звязана з істотным скарачэннем колькасці дзяцей у рэгіёне: было 193 087, стала 182 730. То бок за два гады Віцебская вобласць страціла 10 357 дзяцей — фактычна насельніцтва невялікага райцэнтра (а калі ўзяць, напрыклад, Расонскі раён, дык і ўвогуле — усяго раёна).

Паменшылася і колькасць устаноў агульнай сярэдняй адукацыі: 339 школ супраць 328 праз два гады. Дзіцячых школ мастацтваў стала 53 замест 57, клубных фарміраванняў — 1191 замест 1311.

Нават педыятраў стала менш: 394 супраць 437. Пры гэтым адносны паказчык колькасці педыятраў таксама змяншаецца: у разліку на 10 тысяч дзяцей — 22 педыятры супраць 22,6 у 2024 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com