Бабруйчанін замест кабана стрэліў у рысь і трапіў пад суд

Рысь занесеная ў Чырвоную кнігу.

У Асіповічах вынеслі прысуд 40-гадоваму паляўнічаму з Бабруйска, які без дазволу падстрэліў чырванакніжную рысь, паведаміла абласная пракуратура.

У канцы студзеня падчас загоннага палявання на кабана ў Асіповіцкім раёне бабруйчанін заўважыў рысь.

«Ведаючы, што жывёла ўключаная ў Чырвоную кнігу Рэспублікі Беларусь і паляванне на яе забаронена, мужчына зрабіў стрэл з паляўнічага карабіна», — паведаміла пракуратура.

У выніку навакольнаму асяроддзю нанесена шкода ў памеры 300 базавых велічынь (13,5 тыс. рублёў). Гэтую суму паляўнічы добраахвотна кампенсаваў, а ў судзе прызнаў віну ў поўным аб'ёме.

За незаконнае паляванне на чырванакніжную жывёлу (ч. 4 арт. 282 КК) яго прысудзілі да двух гадоў і шасці месяцаў «хатняй хіміі» і штрафу ў 4,5 тыс. рублёў.

Паляўнічы карабін з лічбавым прыцэлам начнога бачання, які належаў абвінавачанаму, канфіскаваны ў даход дзяржавы.

Прысуд у законную моц не ўступіў, можа быць абскарджаны і апратэставаны ў апеляцыйным парадку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com