Uber запусціць робатаксі на дарогах Еўропы

Ужо ў гэтым годзе.

Кампанія Nvidia прадставіла маштабнае пашырэнне платформы DRIVE Hyperion для робатаксі Level 4. Да праекта далучыліся вытворцы аўтамабіляў, распрацоўшчыкі праграмнага забеспячэння і сэрвісы перавозак, сярод якіх Foxconn і Uber. Ідзе пра стварэнне і запуск аўтаномных электрамабіляў у розных краінах свету.

Тэхналогія Level 4 дазваляе аўтамабілям рухацца без удзелу кіроўцы ў пэўных зонах і пры пэўных умовах. Nvidia забяспечвае платформу бартавымі камп’ютарамі DRIVE AGX, аперацыйнай сістэмай Halos OS, а таксама наборам камер, радароў і сэнсараў для аналізу дарожнай сітуацыі і навігацыі.

На Тайвані Foxconn разам з Nvidia будзе працаваць над вытворчасцю беспілотных электрамабіляў для сэрвісу робатаксі, запуск якога запланаваны на 2028 год у горадзе Гаосюн. У Еўропе Uber і кампанія Autobrains рыхтуюць запуск аўтаномнага таксі ў Мюнхене ўжо ў гэтым годзе — выклікаць такія аўто можна будзе праз звычайнае прыкладанне Uber.

Таксама Nvidia пашырае супрацоўніцтва на Блізкім Усходзе і ў Паўднёва-Усходняй Азіі. В’етнамскі аўтавытворца VinFast працуе над даступнымі аўтаномнымі электрамабілямі для гарадскога руху, а саудаўская кампанія Humain плануе выкарыстоўваць платформу DRIVE Hyperion у праектах «разумных» гарадоў.

Нядаўна Nvidia выпусціла NemoClaw — платформу для ШІ-агентаў з сістэмай абароны OpenShell. Таксама Nvidia прадставіла Space Computing — ШІ будзе працаваць на спадарожніках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com