Пад Мінскам наладзілі зборку Citroen

Сталі вядомыя мадэлі і цэны.

Аўтамабілі французскага брэнда будуць збіраць на заводзе «Юнисон» ў Абчаку.

На заводзе пад Мінскам збіраюць адразу тры мадэлі, і ўсе яны — кросоверы.

Самым даступным «французам» беларускай зборкі з’яўляецца Citroen C3-XR. Цэны на кампактны кросовер пачынаюцца з 75 тысяч рублёў, што каля $26600 паводле бягучага курсу.

Трэба разумець, што Citroen C3‑XR — гэта не тое самае, што Citroën C3, які прадаюць у Еўропе. Citroen C3‑XR — гэта твор франка-кітайскага сумеснага прадпрыемства Dongfeng Peugeot-Citroen.

Таму ў Еўрасаюзе такую мадэль не знойдзеш. Да Беларусі яе збіралі толькі ў Кітаі і Іране.

Наступным па памеры і дарагоўнасці ідзе Citroen C5 Aircross. Цэны на яго пачынаюцца з 95 тысяч рублёў, або каля $33700.

І гэтая мадэль ужо мае значна больш агульнага з сапраўдным Citroen, бо гэта такі ж Citroen C5 Aircross, як і ў Еўрасаюзе. Адзінае важнае адрозненне ў тым, што ў Беларусі наладзілі зборку папярэдняга пакалення Citroen C5 Aircross.

У Еўропе ж у 2025 годзе выйшла другое пакаленне C5 Aircross.

Што да самай дарагой мадэлі ў лінейцы беларускай зборкі — C5X, то кітайская і еўрапейская версіі аднолькавыя, бо нават машыны, якія прадаюцца ў Еўропе, збіраюць у Кітаі.

Цэны на C5X, сабраныя ў Беларусі, будуць пачынацца з 96 тысяч рублёў, або каля $32 тысяч.

Зборка аўтамабіляў у Беларусі дазваляе часткова эканоміць на ўтылізацыйным зборы, а таксама прэтэндаваць на льготныя ўмовы лізінгу і крэдытавання.

Пакуль у Беларусі сабралі ўсяго 48 Citroen, якія ўжо паступілі ў продаж. Прынамсі на дадзены момант у Беларусі будуць збіраць толькі аўтамабілі з бензінавым рухавіком. Усе машыны сабраныя з машынакамплектаў, якія набываюць у Кітаі ў кампаніі Dongfeng Peugeot Citroen Automobile Company LTD. Пры гэтым каля траціны кампанентаў у гэтых аўто — еўрапейскай вытворчасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com