У Расіі пад абстрэл трапіў аўтобус з дзіцячай футбольнай камандай з Гомеля

Параненні атрымалі шэсць чалавек.

Аўтобус з дзіцячай футбольнай камандай з Беларусі трапіў пад абстрэл дронаў. Пра гэта паведаміў часова выконваючы абавязкі губернатара Бранскай вобласці Ягор Кавальчук.

Паводле слоў расійскага чыноўніка, беспілотнік трапіў у аўтобус з гомельскай дзіцячай футбольнай камандай, якая ехала адпачываць у Геленджык. Адказнасць за тое, што адбылося, Кавальчук усклаў на Узброеныя сілы Украіны.

Паводле яго слоў, у выніку загінула жанчына, якая суправаджала каманду. Параненні атрымалі шэсць чалавек, у тым ліку чацвёра дзяцей.

«Усе пацярпелыя аператыўна дастаўлены ў бальніцу, дзе ім аказана неабходная медыцынская дапамога. Астатнія пасажыры ў найбліжэйшы час будуць вярнутыя дадому», — напісаў Ягор Кавальчук.

Украінскія крыніцы заявы в.а. губернатара Бранскай вобласці пакуль не каментавалі.

МЗС Беларусі праінфармаваны пра інцыдэнт у Бранскай вобласці, інфармацыя па здарэнні ўдакладняецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com