Перамовы ЗША і Ірана сарваныя

Джэй Дзі Вэнс адмяніў паездку ў Швейцарыю.

Мірныя перамовы паміж ЗША і Іранам, якія павінны былі адбыцца 19 чэрвеня на гарналыжным курорце Бургеншток у Швейцарыі, не адбудуцца. Пра гэта паведаміў МЗС Швейцарыі, паведамляе «Радыё Свабода».

У заяве ведамства гаворыцца, што Швейцарыя «па-ранейшаму гатовая садзейнічаць гэтым перамовам».

У чацвер Белы дом заявіў, што віцэ-прэзідэнт ЗША Джэй Дзі Вэнс не паедзе ў Швейцарыю, паколькі планы перамоваў яшчэ не былі канчаткова ўзгодненыя. «Лагістыка гэтых перамоваў ніколі не была простай або прадказальнай», — сказаў прадстаўнік Белага дома.

Іран пакуль не каментаваў адмену перамоваў.

Раней паведамлялася, што на сустрэчы ў Швейцарыі бакі падпішуць мемарандум аб узаемаразуменні, аднак у чацвер прэзідэнты ЗША і Ірана падпісалі дакумент дыстанцыйна. У выніку планавалася, што на сустрэчы чальцы перамоўных каманд паспрабуюць распрацаваць падрабязны план увасаблення мемарандуму ў жыццё.

Падпісаны 18 чэрвеня мемарандум з’яўляецца першым крокам да завяршэння ўзброенага канфлікту паміж двума краінамі. Дакумент складаецца з 14 пунктаў.

Згодна з мемарандумам, неадкладна ўступае ў сілу спыненне агню на ўсіх франтах (уключаючы Ліван, дзе Ізраіль вядзе аперацыі супраць падтрымліваемай Іранам групоўкі «Хезбала», прызнанай у ЗША і Ізраілі тэрарыстычнай), а таксама адкрыццё Армузскага праліва і паступовае зняцце марской блакады Ірана. Акрамя таго, Вашынгтон узяў на сябе абавязак фактычна прыпыніць санкцыйны рэжым для іранскай нафты ўжо цяпер, не чакаючы канчатковай дамовы.

Іран у дакуменце пацвярджае, што «ніколі не будзе вырабляць ядзерную зброю». Бакі дамовіліся, што ўсе пытанні, звязаныя з ядзернай праграмай, у тым ліку лёс узбагачанага ўрану, будуць разгледжаныя ў канчатковай дамове, якую разлічваюць дасягнуць цягам 60 дзён. Таксама на працягу гэтага часу будзе распрацаваны механізм функцыянавання Армузскага праліва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com