У Беларусі вызначылі тры пляцоўкі для сховішча ядзерных адходаў

Адна з іх — побач з БелАЭС.

Беларусь вызначыла тры перспектыўныя пляцоўкі для будаўніцтва пункта пахавання радыеактыўных адходаў. Пра гэта падчас круглага стала паведаміў дырэктар БелРАО Міхаіл Кісель, піша БелТА.

Адна з пляцовак знаходзіцца недалёка ад Беларускай АЭС у Астравецкім раёне. Другая — у Мсціслаўскім, яшчэ адна — у Хойніцкім, побач з Палескім дзяржаўным радыяцыйна-экалагічным запаведнікам.

Паводле слоў Міхаіла Кісяля, зараз спецыялісты рыхтуюць справаздачу па ацэнцы ўздзеяння на навакольнае асяроддзе будучага пункта пахавання радыеактыўных адходаў. Пасля гэтага будзе праведзена працэдура грамадскіх абмеркаванняў.

Пры гэтым прадпрыемства ўжо цяпер праводзіць растлумачальныя сустрэчы з жыхарамі раёнаў, дзе вызначаныя перспектыўныя пляцоўкі.

Як адзначыў Міхаіл Кісель, пункт пахавання — гэта высокатэхналагічны інжынерны аб’ект, які будзе мець шматбар’ерную структуру і забяспечыць бяспечнае захоўванне і пахаванне адходаў на дзесяцігоддзі, пакуль будзе захоўвацца радыяцыйная актыўнасць.

Для гэтага, пры неабходнасці, адходы змешваюць з цэментным матэрыялам, змяшчаюць у бяспечныя кантэйнеры, а затым — у спецыяльнае сховішча.

Нагадаем, жыхароў Хойнікаў да будаўніцтва ядзернага магільніка рыхтуюць ціхцем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com