Іран зноў закрыў Армузскі праліў

У Тэгеране заявілі, што ЗША парушылі пагадненне аб спыненні вайны.

Цэнтральны штаб узброеных сіл Ірана «Хатам аль-Анбія» заявіў, што Армузскі праліў будзе закрыты для праходу суднаў. Прычына — парушэнне з боку ЗША мірнага пагаднення і парушэнне Ізраілем рэжыму спынення агню, піша агенцтва Mehr.

— Гэты крок з'яўляецца першым этапам адказу на парушэнне дамоўленасцяў ворагам, і ў выпадку працягу агрэсіі будуць спланаваныя і ажыццёўленыя наступныя крокі дзеля прымушэння праціўніка да выканання сваіх абавязкаў, — гаворыцца ў заяве.

Нагадаем, 18 чэрвеня ЗША і Іран падпісалі мірнае пагадненне. Меморандум аб узаемаразуменні тэрмінам на 60 дзён прадугледжвае спыненне баявых дзеянняў на ўсіх фронтах, уключаючы Ліван, зняцце санкцый з Тэгерана і стварэнне фонду аднаўлення Ірана. Пагадненне працягвае перамір'е, абвешчанае ў красавіку, яшчэ на 60 дзён, каб дазволіць бакам дамовіцца аб канчатковым перамір'і.

І прэзідэнт ЗША Дональд Трамп, і члены яго каманды падкрэсліваюць, што пакуль гэта толькі мемарандум, і яго палажэнні будуць выконвацца толькі калі Іран «будзе добра сябе паводзіць». Трамп у чарговы раз не выключыў новыя бамбардзіроўкі Ірана, калі канчатковае пагадненне не будзе дасягнута на працягу двухмесячнага перыяду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com