Названыя чатыры найлепшыя віды шматкоў на сняданак, якія абароняць ад інсульту

Дыетолагі падзяліліся парадай.

Шматкі на сняданак — гэта хуткі і просты выбар, але не ўсе яны аднолькавыя. Шмат якія змяшчаюць шмат дададзенага цукру і мала клятчаткі — два мінусы ў прафілактыцы інсульту. Партал EatingWell раіць надаваць перавагу шматкам з нізкім утрыманнем дададзенага цукру і натрыю, высокім утрыманнем клятчаткі і вырабленым з цэльнага збожжа.

Дыетолагі і кардыёлагі распавялі пра найлепшыя віды шматкоў на сняданак, якія могуць знізіць рызыку інсульту.

1. Шматкі з драбнёнай пшаніцы (без глазуры)

«Калі вы шукаеце шматкі, якія зніжаюць рызыку інсульту, як правіла, вы шукаеце тыя, што маюць шмат клятчаткі і мала дададзенага цукру», — кажа дыетолаг Абігейл Нессл.

Гэты варыянт таксама змяшчае неабходныя пажыўныя рэчывы, уключаючы жалеза, ніацін, фосфар, магній і цынк. У прыватнасці, даказана, што магній абараняе ад рызыкі інсульту (асабліва ў жанчын). Акрамя таго, такія шматкі не ўтрымліваюць натрыю. Паменшанне спажывання натрыю можа дапамагчы знізіць артэрыяльны ціск і паменшыць рызыку сардэчна-сасудзістых захворванняў і інсульту.

2. Арганічныя шматкі без дададзенага цукру

Дададзены цукар з'яўляецца схаваным фактарам рызыкі сардэчна-сасудзістых захворванняў і інсульту. Сняданкавыя шматкі часта ўтрымліваюць дададзены цукар, нават тыя, што пазіцыянуюцца як карысныя.

Акрамя таго, у такіх шматках шмат клятчаткі. «Адна з многіх пераваг клятчаткі — здольнасць блакаваць усмоктванне халестэрыну, які можа ператварацца ў бляшкі ў венах і артэрыях», — кажа Нессл.

3. Аўсяныя шматкі

«Аўсянка змяшчае 4–5 грамаў клятчаткі на ½ шклянкі. Яна зніжае ўзровень халестэрыну дзякуючы бэта-глюканам і падтрымлівае стабільны ўзровень цукру ў крыві», — кажа дыетолаг Карэн Э. Тодд. Бэта-глюкан, кампанент растваральнай клятчаткі, што змяшчаецца ў аўсянцы, асабліва карысны для зніжэння ўзроўню халестэрыну ў крыві. Аптымальнае спажыванне харчовай клятчаткі таксама дапамагае падтрымліваць здаровую вагу, тым самым зніжаючы рызыку шэрагу хранічных захворванняў, у тым ліку сардэчна-сасудзістых.

5. Шматкі з вотруб'ямі

Звычайна яны ўтрымліваюць ад 5 да 7 г клятчаткі на порцыю. Шмат якія з іх таксама ўзбагачаны ключавымі вітамінамі і мінераламі, такімі як жалеза і вітамін D. Такія шматкі могуць дапамагчы кантраляваць артэрыяльны ціск, узровень халестэрыну і цукру ў крыві — усё гэта крытычна важныя фактары для зніжэння рызыкі сардэчна-сасудзістых захворванняў.

Таксама не будзе лішнім дадаць у талерку садавіны ці гародніны.

«Агляд больш як 25 даследаванняў, праведзены ў 2023 годзе, паказаў, што рацыён, багаты на садавіну і гародніну ў раннім узросце, можа знізіць рызыку інсульту ў параўнанні са спажываннем мяса і тлушчаў», — кажа дыетолаг Брыттані Браўн.

Раней дыетолагі распавялі, калі лепш піць каву — да ці пасля сняданку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com