Гетман: летам ЗСУ могуць правесці маштабнае наступленне, як пад Харкавам у 2022 годзе
2- 4.06.2026, 8:02
- 1,196
Ініцыятыва на баку Украіны.
Сілы абароны Украіны ужо перахапілі тактычную ініцыятыву на фронце, што патэнцыйна можа перарасці і ў стратэгічную ініцыятыву — аж да маштабнага украінскага прарыву, як у Харкаўскай вобласці восенню 2022 года. Такое меркаванне ў эфіры «Украінскага радыё» выказаў ваенны аналітык Аляксей Гетман.
Адказваючы на пытанне, ці здольныя Сілы абароны Украіны здзейсніць бранятанкавы прарыў на фронце, Гетман сказаў, што гэта цалкам магчыма.
Эксперт адзначыў, што каб дасягнуць істотнага прасоўвання на дзясяткі кіламетраў, трэба выкарыстоўваць тэхніку: браняваную тэхніку, лёгкую тэхніку, багі і матацыклы.
«Пеша невялікімі групамі далёка не прасунуцца. Улічваючы тое, як атакуюць дроны і якія ёсць супрацьтанкавыя сродкі — пачынаючы з РПГ-7 і заканчваючы дронамі, — можна меркаваць, што мы здзейснім маштабны танкавы прарыў», — адзначыў ён.
Ініцыятыва на баку ЗСУ
Таксама на пытанне, ці перахапілі Узброеныя сілы Украіны ініцыятыву ў вайне і ці пацвердзіцца гэта летам, аналітык адказаў: «Так. Бо колькасць баявых сутыкненняў выраўнялася. Раней яна была меншая, амаль нулявая. Цяпер яна вырасла і фактычна параўнялася з расійскай. Гэта тактычная ініцыятыва».
Па словах Гетмана, на некаторых участках фронту перавага на баку украінскіх байцоў, а на асобных мы нават маем перавагу ў жывой сіле і тэхніцы.
«Ёсць усе прыкметы таго, што ініцыятыва, прынамсі тактычная, ужо на нашым баку. Пакуль не стратэгічная, але ў нашых руках. Калі гэта тэндэнцыя захаваецца, то расіянам ужо давядзецца адступаць. Гэта можа нагадаць Херсонскую або Харкаўскую аперацыю», — сказаў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
