Пенсіянеры ў Беларусі могуць атрымаць льготную пуцёўку ў санаторый
- 5.06.2026, 0:59
Як гэта зрабіць?
Пенсіянеры перыядычна могуць накіравацца ў санаторый на аздараўленне па льготным тарыфе, распавяла ОНТ начальнік аддзела арганізацыйна-кадравай працы і забеспячэння пуцёўкамі Рэспубліканскага цэнтра па аздараўленні і санаторна-курортным лячэнні насельніцтва Людмила Белохвостик.
Атрымаць пуцёўку нескладана, але яе давядзецца пачакаць.
Каб атрымаць льготную пуцёўку на аздараўленне, пенсіянер павінен напісаць заяву і перадаць яе спецыялісту Рэспубліканскага цэнтра па аздараўленні і санаторна-курортным лячэнні па месцы жыхарства.
Таксама ў папку дакументаў трэба пакласці пасведчанне асобы, пенсійнае пасведчанне з адзнакай пра тое, што чалавек з'яўляецца ветэранам працы. Акрамя таго, разам з арыгіналамі патрэбныя і іх копіі.
«Таксама трэба прынесці працоўную кніжку, калі яна ёсць, і копіі першай і апошняй яе старонак (гэты дакумент пацвердзіць, што цяпер чалавек не працуе)», – патлумачыла спецыялістка.
Спатрэбіцца і медыцынская даведка аб стане здароўя. Яе можна атрымаць у лекара тэрытарыяльнай паліклінікі.
Пасля таго як чалавека паставяць на ўлік, пуцёўка для яго абавязкова будзе. Але давядзецца пачакаць. Бо тут захоўваецца чарга – яна ідзе з даты падачы заявы.
З 2024-га непрацуючыя пенсіянеры і ветэраны працы могуць разлічваць на льготную пуцёўку не часцей, чым раз на тры гады.
«Дадзеная катэгорыя насельніцтва атрымлівае пуцёўку з частковай аплатай яе кошту, якая будзе залежаць ад сярэднямесячнага даходу», – удакладніла спецыялістка.
Таму неабходна прадставіць даведку аб сярэднямесячным даходзе за апошні год.
У выніку пенсіянерам дапамогуць аплаціць 15–20% кошту пуцёўкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
