Украінскія дроны паралізавалі Чангар: мост увесь у дзірках

Сталі вядомыя новыя падрабязнасці атакі.

У ноч на 7 чэрвеня Сілы абароны Украіны з дапамогай БПЛА атаквалі мост у раёне Чангара на ўездзе ў акупаваны Крым.

Пункт пропуску «Джанкой» закрыты на нявызначаны час з-за пашкоджанняў. Пра блакаванне руху праз КПП акупацыйныя расійскія «ўлады» паведамілі раніцай, перадае Dialog.UA.

«У выніку начнай атакі БПЛА пашкоджана маставое палатно ў раёне н.п. Чангар. З меркаванняў бяспекі рух праз АПП «Джанкой» часова перакрыты», — паведамілі акупанты.

Транспарт яны перанакіроўваюць на іншыя пункты пропуску «Армянск» і «Перакоп». Тэрміны аднаўлення моста пакуль невядомыя.

А тым часам Z-патрыёты б'юць трывогу. Блакаду сухапутнага калідора ў Крым прапагандысты лічаць падрыхтоўкай да сухапутнай аперацыі ЗСУ ў Крыме. Па гэтай нагодзе паказальны пост апублікаваў афіцэр Узброеных Сіл РФ, Z-блогер Іван Атракоўскі.

«ЗСУ ўдарылі па мосце ў раёне Чангара на мяжы з Крымам, рух праз пункт пропуску «Джанкой» часова перакрыты… Ідзе баявая праца па транспартнай ізаляцыі Крыму. Высадка дэсанту ўжо не здаецца нечым нерэальным у пэўнай перспектыве пры такім кіраванні краінай», — напісаў прапагандыст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com